«Almatylyqtar úshin mańyzdy jerde jaıaý júrginshiler joly ekologııalyq talapqa saı ońtaılandyrylyp, jaryqtandyrýdyń ınjenerlik jelileri men sýarý júıesi salynady. Sondaı-aq úsh kirý aımaǵy bolady. Jańartylǵan Botanıka baǵy óziniń ǵylymı-zertteý jáne tabıǵatty qorǵaý qyzmetin jalǵastyra otyryp, qalanyń erekshe kórikti jerine jáne megapolıs turǵyndarynyń demalys aımaǵy bolyp qala beredi. Qaıta jóndeý júrgizýdiń basty maqsaty – ekologııalyq tepe-teńdikti qurý arqyly baqshanyń tabıǵı ortasyn saqtaý», – dedi Almaty qalasynyń ákimi Baqytjan Saǵyntaev.
Odan bólek, shahar basshysy burynǵy Saıası aǵartý úıin qaıta jóndeýden ótkizip, Dostyq pen Abaı dańǵylynyń, Pýshkın men Qurmanǵazy kósheleriniń sharshysyn da qaıta jańǵyrtý kerektigine nazar aýdardy. Merdigerlerdiń nazaryna atalǵan tarıhı ǵımarattyń sáýlettik kelbetin qalpyna keltirý qajettigin eskertti.
«Bul – Almatynyń tarıhı jáne mádenı ortalyǵy. Eski Almatynyń qaıtalanbas kelbeti saqtalýy tıis», – dedi ákim óz sózinde.
Ár ýaqyttyń óz ereksheligi bolady. Ol kezde «Túri ulttyq, mazmuny sosıalıstik» degen qaǵıda barlyq salada ústemdik etti.
Biraq sol zamannyń belgisi dep tanylǵan ǵımarattardy tarıhı eskertkish retinde saqtap qalý týraly Úkimettiń sheshimi bar. Qazir tarıhı eskertkishterdiń respýblıkalyq jáne Almaty qalasy deńgeıindegi eki tizimi bar. Tarıhı eskertkish bolyp tabylatyn ǵımarat, ol kimniń menshiginde bolsa da, Úkimettiń qorǵaýynda tur.
Ony buzyp, túrin ózgertýge eshkimniń quqy joq.
