Investorlar qyzmetin halyqqa túsindirý shart

Is-sharaǵa «Astana» halyqara­lyq qarjy ortalyǵynyń delegasııasy, memlekettik organdardyń, «Atameken» ulttyq kásipkerler palatasynyń, sondaı-aq Soltústik Qazaqstan oblysynyń akademııalyq toptarynyń ókilderi qatysýda. Kezdesý ınvestorlardyń halyqara­lyq aptalyǵyna (World Investor’s Week) oraılastyrylyp, Baǵaly qaǵazdar jónindegi komıssııalardyń halyqaralyq uıymynyń (IOSCO) qoldaýymen ótkizilip jatyr. Ol halyqtyń ınvestısııalyq saýatyn arttyrýǵa baǵyttalǵan.

AHQO qarjylyq qyzmetterdi retteý jónindegi komıteti  2018 jyl­dyń maýsymynda IOSCO-ǵa asso­sıasııalanǵan múshesi retinde qabyl­dandy. IOSCO búkil álemdegi baǵaly qaǵazdar naryǵynyń retteýshi organdaryn biriktiredi jáne baǵaly qaǵazdar naryǵy úshin halyqaralyq standarttardy belgileıdi. IOSCO min­detterine ulttyq retteýshi organ­darmen baǵaly qaǵazdar naryǵyn retteýdiń halyqaralyq tanylǵan standarttaryn ázirleý, engizý jáne saqtaýǵa jár­dem­desý jónindegi yntymaqtastyq ornatý kiredi. Onyń jumysy týraly ınter­nettegi www.iosco.org resmı saıtynda jan-jaqty derek alýǵa bolady.

Is-shara qalyptasqan dástúrge sáıkes qazannyń alǵashqy aptasynda álemniń 80 elinde ótkiziledi. Maqsaty – halyqty ınvestısııalaýdyń negiz­deri týraly aqparatpen qamtamasyz etý jáne qarjylyq qyzmetter tutyný­shylaryn qorǵaý.

Bıyl halyqaralyq ınvestorlar ap­­ta­lyǵy AHQO-nyń qatysýymen 30 qyr­­kúıek pen 6 qazan aralyǵynda Qa­zaq­­stannyń 6 qalasynda – Petropavl, Aqtaý, Qaraǵandy, Túrkistan, Almaty jáne Nur-Sultan qalalarynda ótedi.

PETROPAVL