«Dostar, osy beısenbide elimizdiń barlyq mektepterinde «Eko-saǵat» atty fakýltatıv oqytyla bastaıtynyn qýana habarlamaqpyn. Bul kún kezdeısoq tańdalǵan joq. 3 qazanda Dúnıejúzilik mekendeý ornyn qorǵaý kúni atalyp ótedi», dep jazdy mınıstr Twitter-degi óz paraqshasynda. Mınıstrdiń deregi boıynsha, aksııaǵa Úkimet músheleri, óńir ákimderi qatysady. Mınıstrler men ákimder respýblıka mektepterinde sabaq ótkizip, sodan keıin oqýshylarǵa aǵash otyrǵyzýǵa kómektesedi.
«Biz bul kúni Qazaqstanda 200 myńnan asa aǵash otyrǵyzylady dep úmittenemiz. Qazaqstanda «eko-saǵat» ótkizý dástúrge aınalyp, halyqty ekologııalyq turǵyda tárbıeleýge edáýir úles qosady degen oıdamyn», dedi Ekologııa mınıstrliginiń basshysy.
Jospar boıynsha, aksııaǵa Qazaqstandaǵy 6 myń mektep pen 2 mln oqýshy qatysady. Al 12 qazanda elimizdiń barlyq turǵyndary atalǵan aksııany jalǵastyrmaq.
