«Bala kezinen bastap árbir adam jer, sý, aýa týraly oılanyp, olardy saqtaýǵa tyrysatyn ýaqyt jetti! Búginde álem resýrstardy tıimdi paıdalanýǵa kóship, jel, sý jáne kún energııasyn qoldana bastaýda. Alaıda, bizdiń jaılylyǵymyzdyń baǵasy týraly oılanyp kórdik pe? Úı ishindegi bekitilmegen sý shúmegi, kóshede tastalǵan plastık bótelkeler men paketter, kireberistegi synǵan áınekter, qoǵamdyq oryndardaǵy jabylmaı qalǵan esikter – osynyń bári tabıǵı resýrstardyń qosymsha shyǵysyna alyp kelip, jalpy planeta ekologııasyna keri áserin tıgizedi», – dedi Erjan Jylqybaev oqýshylarǵa arnaǵan sózinde.
Vıse-mınıstr óskeleń urpaqty resýrstardy uqypty paıdalanýǵa, múmkindiginshe sýdy, elektr energııasyn, jylý energııasyn únemdeýge jáne qorshaǵan ortany lastamaýǵa shaqyrdy.
«Aǵashtar – planetanyń jasyl ókpesi! Bir aǵash 2 lıtr ottegi bere alady, bul bir adamnyń úsh kúndik ómirine jetedi. Otyrǵyzylǵan bir aǵash 1000 kg parnıktik shyǵaryndylardyń ornyn toltyrady! О́z jaılylyǵynyń aqysyn tóleý úshin, planetanyń ár turǵyny jylyna kem degende 14 aǵash otyrǵyzýy kerek! Meniń oıymsha, árbir qazaqstandyq otbasy aǵash otyrǵyzý kerek. Qurmetti oqýshylar men ustazdar, Sizderge myqty densaýlyq, shyǵarmashylyq tabys, jańa ashýlar men jer betindegi barlyq ıgilikterdi tileımin! Qorshaǵan ortany jaqsy kórińizder, qorǵańyzdar jáne qurmetteeńizder. Igilikti is jasaý úshin aldymen ózińizden bastaý kerek ekenin esterińizde saqtańyzdar!» – dep sózin tolyqtyrdy Erjan Jylqybaev.
Oqýshylar men oqytýshylar quramy aldynda sóz sóılegennen keıin QR Eńbekmıni basshysynyń orynbasary mektep janyndaǵy ýchaskede jasyl jelekterdi otyrǵyzýǵa qatysty.
Atalǵan Respýblıkalyq ekologııalyq saǵatty ótkizý – Qazaqstan Respýblıkasy Qazaqstan Respýblıkasynyń Ekologııa, geologııa jáne tabıǵı resýrstar mınıstrligi, Bilim jáne ǵylym mınıstrligi, Áleýmettik mańyzdy bastamalardy damytý qory jáne Qazaqstannyń ekologııalyq uıymdary qaýymdastyǵynyń birlesken bastamasy bolyp tabylady.
Eske sala keteıik, jyl saıyn búkil álem 6 qazanda Dúnıejúzilik tirshilik etý ortasyn qorǵaý kúni atap ótedi – bul halyqaralyq meıram Jer planetasy faýnasynyń tirshilik etý problemasyna adamzattyń nazaryn aýdarýǵa arnalǵan. Bul mereke 1979 jyly Eýropalyq jabaıy tabıǵatty jáne tabıǵı tirshilik ortasyn saqtaý týraly Bern konvensııasyna sáıkes belgilendi.
