Konferensııanyń plenarlyq májilisinde oblystyq mádenıet basqarmasynyń basshysy Erlan Qalmaqov bul sharanyń Qostanaı jerinde kitaphananyń jumys isteı bastaǵanyna 125 jyl tolýy aıasynda uıymdastyrylǵanyn aıtty.
Baıandama jasaǵan L.Tolstoı atyndaǵy oblystyq ámbebap kitaphananyń dırektory Darıǵa Dúısebaeva osy salanyń tarıhyna toqtaldy. Bilim oshaqtarynyń ótkeni de qyzyqty, taǵlymy mol.
«Soǵys jyldary elimizge Keńes Odaǵynyń maıdan júrip jatqan óńirlerinen qonys aýdarýshylar keldi. Tek Qostanaıdyń ózine Lenıngradtan, Moskvadan, Kıevten, Sımferopoldan 3000-nan asa otbasy qonys aýdaryldy. Solardyń esebinen kitaphanalardyń oqyrmandar qatary kóbeıdi. Qonys aýdarýshylardyń arasynda bilimdar adamdar, bilimdi mamandar kóp bolatyn. Solardyń esebinen oqyrmandar sapasy da joǵarylady» dedi Darıǵa Tórebaıqyzy. Búginde qazaqstannyń barlyq aımaǵyndaǵy sekildi Qostanaıdyń aýdanday men qalalaryndaǵy kitaphanalar kitap men merzimdi basylymdarǵa baı, olar naǵyz mádenıet oshaǵyna aınalǵan.
Qazaqstan ulttyq kitaphanasynyń dırektory Baqytjamal Ospanova bas kitaphananyń qol jetken jetistikteri men jalpy elimizdegi kitaphanalardyń ózekti máseleleri týraly áńgimeledi. Kitaphananyń 4 mıllıon oqyrmany bar. Barlyq jańa tehnıka jáne tehnologııalarmen jabdyqtalǵan, álem kitaphanalarymen tyǵyz baılanysta jumys isteıdi.
«Kitaphananyń búgingi basty ózekti máselesi sıfrlandyrý bolyp tabylady. Osy kezge deıin 6 60 000-nan asa qujattardy sıfrlandyrdyq. Onyń teń jartysyna jýyǵy qazaq tilindegi qujattar. Ekinshiden mamandar daıyndaý da ótkir tur. Biz bul jumysty óz kitaphanamyzda uıymdastyramyz» dedi Baqytjan Qaıyrbekqyzy.
Tarıh ǵylymdarynyń doktory, Qazaqstan jýrnalıster akademııasynyń prezıdenti, Qazaqstannyń Tuńǵysh Prezıdenti syılyǵynyń laýreaty, Qazaqstan Jýrnalıster ldaǵynyń alty dúrkin laýreaty Saǵymbaı Qozybaev ta konferensııa qonaǵy boldy. Ol qatysýshylarǵa rýhanı dúnıemiz ben kitaphana baılanysy týraly taǵylymdy áńgime aıtty.
Konferensııaǵa qatysýshylar munan keıin seksııalarǵa bólinip jumys istedi. Eki kúnge josparlanǵan konferensııa jumysy erteń jalǵasady.
