Jıynǵa qatysqan Aqmola oblysynyń ákimi Ermek Marjyqpaev Makınsk qalasynyń qarqyndy damyp kele jatqanyn sóz etip, óńirdegi ınvestorlarǵa barynsha qoldaý kórsetiletinin aıtty. «Makınsk qalasynda qus fabrıkasyn salý sheshimi qabyldanǵannan keıin óńir damýdyń jańa satysyna shyqty. Ortalyq Azııadaǵy iri qus fabrıkasy jylyna aýqymdy deńgeıde qus etin óndirý arqyly óńirge 46 mlrd teńge ınvestısııa quıýǵa múmkindik berdi. Nátıjesinde 900-ge jýyq jumys orny ashylyp, aımaqtaǵy áleýmettiń aılyq jalaqysy 30-35%- ǵa artty», dedi Ermek Marjyqpaev.
Sondaı-aq oblys ákimi eldegi astyq pen et ónimderiniń tórtten bir bóligi elimizdiń soltústiginde óndiriletinin atap ótti. «О́ńirdegi taýar óndirýshiler tek aımaqtyń qajettiligin ǵana emes, jaqyn óńirlerdi de qamtyp otyr. Máselen et, sút, jumyrtqa, un, kartop syndy ónimderdi elordaǵa jıi jetkizip turamyz», dedi ol.
Budan ári óńirde mal sharýashylyǵyn damytýǵa erekshe kóńil bólinip otyrǵany aıtyldy. Ákimniń aıtýynsha, búginde oblysta 43 et óndiretin kompanııalardyń qurylys jumystary júrip jatyr. 2019 jyly Avstralııa, Chexııa jáne Reseı Federasııasynan 6 myń iri qara ákelingen. Sondaı-aq óńirde 5000 tonna shoshqa etin óndiretin iri eksporttyq joba júzege asyrylýda. О́ńirdegi 4 iri qus óndiris oryndary jylyna 800 mln dana jumyrtqa óndiredi. Olardyń ónimderine tek Qazaqstan ǵana emes, búginde kórshiles elderden de suranys artyp otyr. Máselen kópke tanymal «Qazger-Qus» kompanııasy Aýǵanstan, Tájikstan syndy taǵy da basqa kóptegen elderge óz ónimderin tasymaldaıdy.
Sondaı-aq jıynǵa qatysqan Syrtqy ister mınıstriniń orynbasary Ermek Kósherbaev Tuńǵysh Prezıdent-Elbasy Nursultan Nazarbaevtyń Syrtqy ister mınıstrligine eksporttyń áleýetin arttyrý jumystaryn júktegenin aıta kele, elorda aımaǵynda azyq-túlik beldeýin qurý boıynsha jumystar óz deńgeıinde oryndalyp jatqanyn aıtyp ótti. «Búginde Aqmola oblysy qus etiniń ımportyn tolyq qamtamasyz etip otyr. Qazaqstan jylyna 3 myń tonna qus etin paıdalanyp otyr. Bul degenimiz elge ózge elderden kiretin taýarlardyń ımportyn azaıtady degen sóz», dedi vıse-mınıstr.
Sondaı-aq Ermek Kósherbaev elge ınvestısııalardy tartýda barlyq memlekettik organdar men bıznes salasyndaǵy kəsipkerler jumyla jumys isteýi tıis ekenin aıtty. «Investısııa tartý jɵninde Syrtqy ister mınıstrligi, ulttyq kompanııalar jəne ɵzge de memlekettik organdar úlken jumys atqaryp jatyr. Biz 2018 jyly 24 mlrd dollar kɵleminde ınvestısııa tarttyq. Ony 5 jyl ishinde 34 mlrd dollarǵa jetkizýimiz kerek. Sol deńgeıge jetkende ony dekompozısııalaýymyz qajet. Qazir osy məselege qatysty quzyrly mekemelermen birlesip jumys istep jatyrmyz», dedi vıse-mınıstr.
Jıyn sońynda «Aitas KZ» AQ Aqmola oblysy ákimdigimen jáne Túrkııanyń «Cukurova» kompanııasymen birlesip jumys isteý maqsatynda memorandýmǵa qol qoıdy. «Bul memorandýmǵa qol qoıýmyz biz úshin eń úlken jetistik. Aldaǵy 3 jyl ishinde Makınsk qalasyna 150 mln dollar ınvestısııa quıyp, et óndirisin 120 myń tonnaǵa deıin ulǵaıtamyz degen jospar bar. Memorandýmda tek bıznes qana emes, sondaı-aq onda áleýmettik mańyzdy suraqtar da qarastyrylǵan. Iаǵnı orta, kishi bızneske qoldaý, jańa jumys ornyn ashý, bilim, mádenıet syndy salalarǵa qoldaý kórsetilip, 2000-ǵa jýyq jumys orny ashylady», dedi «Aitas KZ» AQ bas dırektory Serik Tolyqpaev.
О́z kezeginde sóz alǵan, Túrkııanyń «Cukurova» kompanııalar tobynyń bas dırektory Isa Doganly jobany júzege asyrý 4 kezeńnen turatynyn atap ótti. «Aldaǵy 5 jylda Makınsk qalasymen birge jumys isteýge kelistik. Bul jobany júzege asyrý 4 kezeńnen turady. Alǵashqy kezeńde biz gofrokarton jetkizýdi qamtamasyz etemiz. Keıinirek Qazaqstanǵa gofrokarton jasaıtyn arnaıy mashınalar ákelinedi. 5 jyldan keıin 500-ge jýyq adam jumyspen qamtylatyn bolady. Bul jobanyń quny 40 mln dollardy quraıdy», dedi ol.
