Jambyl oblystyq kásipkerlik jáne ındýstrıaldy-ınnovasııalyq damytý basqarmasynyń basshysy Jeńis Sarıevtyń aıtýynsha, 2019 jyldyń 9 aıynda oblysta negizgi kapıtalǵa salynǵan ınvestısııa kólemi 205,9 mıllıard teńgeni quraǵan. Tartylǵan ınvestısııa kólemi 2018 jyldyń tıisti kezeńimen salystyrǵanda 17,3 paıyzǵa artyp otyr. Jalpy, aǵymdaǵy jylǵy jospar 268,0 mıllıard teńge bolady dep kútilýde.
Sonymen qatar aǵymdaǵy jyldyń 9 aıynda óńirde jumys istep turǵan shaǵyn jáne orta bıznes sýbektileriniń sany 70534-ke jetip, byltyrǵy jyldyń tıisti kezeńimen salystyrǵanda 7688 shaǵyn jáne orta bıznes sýbektilerine artqan. «Bıylǵy jyly «Bıznestiń jol kartasy – 2020» memlekettik baǵdarlamasy aıasynda kásipkerlerge qoldaý kórsetý maqsatynda granttyq qarjylandyrýǵa 339 mıllıon teńge bólinip, óńirdegi 165 kásipkerge memlekettik grant berildi. Grant alǵan jobalar aıasynda 402 jańa jumys ornyn ashý josparlanýda», deıdi basqarma basshysy.
