Eki basqarmanyń qyzmetkerleri jýyrda Qyzyljar aýdanynyń ortalyǵy Beskól aýylyndaǵy «Parasat» mektebinde bolyp qaıtty. Olar jol júrisi erejelerin bilýge arnalǵan synyp saǵatyn ótkizdi jáne aýyl shetinde turatyn balalardy tasymaldaıtyn avtobýstyń tehnıkalyq jaı-kúıin, salonda órtsóndirgish pen dári qobdıshasynyń, júrgizýshide qajetti qujattardyń bar-joǵyn tekserdi.
«Mektep avtobýstary sáıkes kelýi tıis birqatar talaptar bar, - deıdi SQO PD Jergilikti polısııa qyzmeti basqarmasynyń erekshe tapsyrmalar jónindegi aǵa ınspektory, polısııa kapıtany Azamat Jamuqov. – «Olarda «Balalardy tasymaldaý» degen taný belgisi men sary tústi jarqyldaýyq maıagi bolýy mindetti. Mundaı maıaktar júrgizýshilerge jol qozǵalysynyń basqa da qatysýshylary aldynda artyqshylyq bermeıdi, tek JJQ 6-t. sáıkes keıbir jol belgileriniń talaptaryn oryndamaýǵa ruqsat etiledi. Mysaly, jarqyldaýyq maıagi iske qosylǵan mektep avtobýsy «Toqtaýǵa tyıym salynǵan» degen belgige toqtaýǵa quqyǵy bar. Sondaı-aq ol basqa da kólik quraldary júrgizýshileriniń nazaryn aýdartatyn belgi bolyp tabylady».
Mektep basshylaryna patrýldik polısııa batalony qyzmetkerleriniń ilesip júrýinsiz eldi mekenderdiń sheginen tys jerge balalardy tasymaldaýǵa qatań tyıym salynǵany eskertildi. О́zara is-qımyl jasaý algorıtmi qatań jazylǵan jáne muqııat saqtalýy qajet.
Jol qozǵalysynyń jas qatysýshylarynyń qaýipsizdigin saqtaý – JPQ bólinisteri jumysynyń erekshe baǵyty bolyp tabylady. Tártip saqshylary kólikterdiń legi jıilegen sátterde bilim berý uıymdaryna jaqyn joldarda kezekshilikti kúsheıtedi, aksııalar men jedel-profılaktıkalyq is-sharalardy ótkizedi. «Qaýipsiz mektep avtobýsy» aksııasy aıasynda polıseıler oblystyń barlyq aýdandaryndaǵy mektep kólikterin tekserýdi josparlaýda.
Soltústik Qazaqstan oblysy
