Onyń ishinde, «Kóne Taraz» tarıhı-etnomádenı ortalyǵy, «Tekturmas» etno-tarıhı kesheni jáne «Qaralma» taý-shańǵy kýrorty sııaqty úsh iri týrıstik ınvestısııalyq jobalardyń qurylysy aıaqtalyp, iske qosyldy. «Jambyl oblysy ekonomıkasynyń basym baǵyttarynyń biri retinde týrızm salasynyń damýyna erekshe kóńil bólinip otyr. Josparlanǵan maqsat pen mindetterge qol jetkizý úshin oblystyń oń týrıstik ımıdjin qalyptastyrý jáne týrıstik aǵymdy tartý úshin qajetti ınfraqurylymmen qamtamasyz etý jumystary júrgizilýde», deıdi Jambyl oblystyq týrızm basqarmasynyń basshysy Qarlyǵash Aralbekova.
Sonymen qatar, Taraz qalasyn abattandyrý jáne jasyldandyrý jumystary júrgizilip, qorytyndysynda 6 demalys oryndary iske qosylǵan.
Týrızmniń tarıhı-mádenı, arheologııalyq, ekologııalyq, medısınalyq-saýyqtyrý, balalar jáne jasóspirimder, ań, balyq aýlaý sekildi túrlerin damytý baǵytyndaǵy jumystar da bar. Sondaı-aq, О́zbekstan, Qyrǵyzstan memleketterin Jambyl oblysymen baılanystyratyn «Uly Jibek jolyndaǵy týrızm» transshekaralyq týrıstik marshrýty ázirlendi. Al, «Sıfrlyq Kazaqstan» baǵdarlamasy aıasynda oblystaǵy negizgi týrıstik nysandarǵa memlekettik standartqa saı keletin qazaq, orys, aǵylshyn tilderindegi kórsetkishter men aqparattyq taqtaıshalar ornatylǵan. Sonymen qatar, Áýlıeata týrızmin damytý maqsatynda 5 tildegi aýdıo jáne beıne gıdteri bar «Taraz Tour» mobıldi qosymshasy iske qosylyp, QR-kodtar oblystyń 37 týrıstik obektilerinde ornatyldy. «Almaty-Taraz» jáne «Shymkent-Taraz» joldarynda ornalasqan Taraz qalasyna kirer kezdegi arkalarda radıotolqyndarǵa arnalǵan retranslıasııalanatyn taratqysh ornatylǵan.
Jambyl oblysy
