Jańadan anyqtalǵan jaǵdaı – 174, onyń 58-i jergilikti naýqaspen baılanysta bolǵandar, onyń ishinde Balalar qalalyq klınıkalyq juqpaly aýrýlar aýrýhanasynyń 1 qyzmetkeri, Ortalyq qalalyq klınıkalyq aýrýhananyń 110 medısına qyzmetkeri, Medısınalyq jedel járdem qyzmetiniń 2 qyzmetkeri, №32 Qalalyq emhananyń 1 qyzmetkeri, №11 Qalalyq emhananyń 1 qyzmetkeri, №1 Qalalyq klınıkalyq aýrýhananyń 1 qyzmetkeri bar.
Infeksııalyq stasıonarlarda Covid-19-dy emdeýde 295 pasıent jatyr, onyń ishinde 7 adamnyń jaı-kúıi – aýyr, 41 adamnyń (bir áıel Almaty oblysynan) jaǵdaıy –ortasha, 247 naýqastyń densaýlyǵy – qanaǵattanarlyq.
Provızorlyq ortalyqtarda 256 adam bar, onyń ishinde – 12 bala, karantındik oqshaýlaýda – 366, úıdegi karantınde – 7097 pasıent.
Medısına qyzmetkerleriniń jaı-kúıi polısegmentti pnevmonııalarynyń bolýyna baılanysty ekeýinde – aýyr, qalǵan naýqastarda – qanaǵattanarlyq.
«Barlyq baılanysta bolǵan adamdarǵa dıagnozdaryn anyqtaý jumystary júrgizilip jatyr. Vırýsty olar pasıentterden de juqtyrýy múmkin, óıtkeni olar shuǵyl medısınalyq kómek kórsetýdi jalǵastyryp otyrdy. Olardyń ishinde aýrý belgileri baıqalmaǵan pasıentter de bolýy múmkin. Qazirgi ýaqytta atalǵan fakti boıynsha epıdemıologııalyq tekserý júrgizilýde. Sonymen qatar, medısına qyzmetkerlerin tekserip-qaraý boıynsha barlyq sharalar qoldanylyp jatqandyǵyn atap ótken jón. Budan basqa, barlyq qalalyq klınıkalardyń ishinde qyzmetkerlerdi koronavırýsqa mindetti túrde tekserip-qaraýmen epıdemııaǵa qarsy is-sharalar kúsheıtildi», deıdi Almaty qalalyq densaýlyq saqatý Basqarmasynyń basshysy Tileýhan Ábildaev.
ALMATY
