Sońǵy táýlikte jańadan anyqtalǵan jaǵdaı 174 boldy. Onyń 58-i jergilikti naýqaspen baılanysta bolǵandar, onyń ishinde Balalar qalalyq klınıkalyq juqpaly aýrýlar aýrýhanasynyń 1 qyzmetkeri, Ortalyq qalalyq klınıkalyq aýrýhananyń 110 medısına qyzmetkeri, Medısınalyq jedel járdem qyzmetiniń 2 qyzmetkeri, №32 Qalalyq emhananyń 1 qyzmetkeri, №11 Qalalyq emhananyń 1 qyzmetkeri, №1 Qalalyq klınıkalyq aýrýhananyń 1 qyzmetkeri bar.
Burynǵy №12 aýrýhana, ıaǵnı Ortalyq qalalyq klınıkalyq aýrýhananyń 1200-ge tarta qyzmetkeri men myńdaǵan pasıenti bar ekendigin eskersek, áli de koronavırýstyń ınfeksııa juqtyryp alǵandardyń sany arty túsýi ǵajap emes.
Indet juqtyryp otyrǵan 110 dárigerge keletin bolsaq, onyń ishinde doktorlarmen birge orta jáne kishi býyn medpersonaly da bar.
Almatyda keshe ǵana eki birdeı iri emdeý mekemesi jumysyn toqtatýǵa májbúr bolyp otyrǵandyǵyn habarlaǵan edik. Qaladaǵy Balalar juqpaly aýrýhanasymen birge, burynǵy «№12 aýrýhana», ıaǵnı Ortalyq qalalyq klınıkalyq aýrýhanasy da karantınge jabyldy.
Keshe ǵana 13 sáýirde, ıaǵnı bir kúnde 27 medısına qyzmetkeri indetke shaldyqqany resmı málim bolǵan-dy.
Osy arada Almaty qalasynyń Densaýlyq saqtaý basqarmasy jýrnalısterdiń kóptegen saýaldaryna jaýap bermeı otyrǵandyǵyn aıta ketken jón.
ALMATY
