HQO jabyq. Karantın kezinde qyzmetterdi qalaı alýǵa bolady?

«Karantın  jaǵdaıynda  týý týraly kýálikti qalaı alýǵa bolady?», «Qaıtys bolý týraly kýálikti qalaı rásimdeýge bolady?», «Karantın kezinde jańa jeke kýáligin nemese júrgizýshi kýáligin alýǵa bola  ma?», «Zeınetkerlik jasym kelýine baılanysty zeınetaqymdy qalaı rásimdeımin?», «Jeke kýáligimniń merzimi bitti, áleýmettik tólemderdi ala alamyn ba?» degen suraqtar  oqyrmandardan kóptep túsip jatyr.

Osy suraqtarǵa jaýap alý úshin «Azamattarǵa arnalǵan úkimet» Memelekettik korporasııasy» KEAQ Almaty qalalyq fılıalynyń baspasóz qyzmetiniń basshysy Jańyl Ápetovaǵa habarlasqan edik.

– Búgin memlekettik qyzmettiń basym bóligin onlaın alýǵa bolatynyn árbir turǵyn biledi. Biraq buryn elektrondyq úkimetpen qatar HQO da jumys istegen edi. Barlyq máselelelerimen jáne qıyndyqtarymen adamdar sol jerge kelip júginetin. Qazir ondaı múmkindik joq. Sondyqtan barlyǵy egov.kz portalynan qyzmet alýdy shuǵyl túrde ıgerýde. Júıe jumysynyń qyr-syryn úırený úshin azamattarǵa qaıda júginý qajet?

– Elimizde qyzmet alýshylardyń máselelerin jedel sheshý maqsatynda arnaıy Call-ortalyǵy ashylǵan bolatyn. Atalǵan ortalyq 1414 nómiri boıynsha azamattardyń qońyraýlaryn qabyldaıdy. Qazirgi tańda 2,5 myń front-ofıs operatory telefon arqyly keńes berýdi úırendi. Almaty qalasy boıynsha 150-den  astam fılıal qyzmetkeri turǵyndardyń onlaın qyzmet alý boıynsha máselelerin shuǵyl sheshýge kómektesýde.

– Qyzmetterdiń basym bóligin elektrondyq úkimet portalynan ESQ arqyly ǵana alýǵa bolady. Adamnyń elektrondy sıfrlyq qoltańbasy joq bolǵan jaǵdaıda ne isteý kerek?

– ESQ-ny úıden shyqpaı-aq alýǵa bolady. Bul jaǵdaı azamattar tótenshe jaǵdaı kezinde HQO-ǵa barmaı-aq alýy úshin jasaldy. ESQ alýshyny sáıkestendirip, azamatty rastaý úshin foto (selfı) jasaý kerek bolady jáne óziniń jeke kýáligin júktep, vıdeo baılanys arqyly qosylǵan HQO qyzmetkeriniń birneshe suraǵyna jaýap berý kerek.  Jaqynda zańdy tulǵalarǵa  da ESQ-ny onlaın alý múmkindigi iske qosyldy.

– Onlaın rejıminde ESQ qalaı alýǵa bolatyndyǵy týraly arnaıy nusqaýlyq ázirlengen. Júzege asyratyn is-áreketter algorotımin egov.kz portalynda tolyǵyraq  jazylǵan. Bul taqyrypqa arnaıy úıretý beınerolıkter de bar. Bar bolǵany egov.kz portalyna kirip, «ESQ qashyqtyqtan alý» bólimine ótý qajet. Ary qaraı nusqaýlyq boıynsha is-áreket jasaısyz. Ol úshin: veb-kamerasy bar jáne ǵalamtorǵa qosylǵan kompıýter, telefon qajet.

Zańdy tulǵalarǵa ESQ alý mysalyn keltire keıteıin.

Zańdy tulǵalarǵa arnalǵan onlaın ESQ.

Egov.kz saıtyna kirip, «ESQ qashyqtyqtan alý» bólimine ótý qajet nemese https://egov.kz/cms/ru/services/pass_onlineecp (https://egov.kz/cms/ru/services/pass_onlineecp) syltemesi arqyly ótýge bolady.

Zańdy tulǵaǵa ESQ alý úshin:

1. Qazaqstannyńazamaty bolý;
2. Veb-kamerasy men ǵalamtory bar noýtbýk nemese kompıýteri bolý;
3. ESQ qoldaný úshin kompıýterge NCAlayer baǵdarlamasyn ornatý;
4. О́zińizben birge jeke kýáliktiń túpnusqasy jáne sapaly foto kóshirmesi bolýy shart.

ESQ-ny onlaın alý qyzmeti

1. «Qyzmetti onlaın alý» tetigin basasyz;
2. «Zańdy tulǵa» belgisin tańdaısyz;
3. Ary qaraı ózińizge qajet shablondy tabasyz;
4. Eger siz fırmanyń birinshi jetekshisi bolsańyz, onda fırmanyń BSN engizý kerek;
5. Eger siz qol qoıý quqyǵy bar qyzmetker bolsańyz, onda qosymsha sizdiń JSN engizý qajet bolady.
6. Osydan keıin «О́tinish jiberý» habarlamasy shyǵady.

Mobıldi azamattar bazasynda (MAB) tirkelmegen jaǵdaıda

1. Paraqshanyń tómengi oń jaq bóliginde ornalasqan «Kenes» vırtýaldy assıstentke basyp, til tańdaısyz;
2. Assıstenttiń tómengi panelinde ornalasqan vıdeokamera sýretine jáne «Vıdeoqońyraý» tetigine basasyz;
3. Vıdeoqońyraýdy qabyldaǵan soń operator sizden jeke kýáligińizdi kórsetýdi, JSN, telefon nómiri men SMS-kod suraıdy;
4. MAB sátti tirkelgennen soń, Egov.kz portalyndaǵy paraqshany jańartý qajet;
5. Qaıtalap BSN (eger siz birinshi jetekshi bolmasańyz JSN), sonymen qatar bir rettik qupııa sózdi engizý qajet.

Eger siz Mobıldi azamattar bazasynda tirkelip qoıǵan bolsańyz:

1. Sizdiń telefonyńyzǵa 1414 nómirinen bir rettik qupııa sózben SMS habarlama keledi, sizge ony engizý qajet bolady;
2. Ary qaraı siz ESQ alýǵa ótesiz. Qashyqtyqtan sáıkestendirý paraqshasy ashylady.

3.(https://egov.kz/%E2%80%A6/novaya_instrukciya_na_egov_po_udalennoy_i%E2%80%A6) siltemesi arqyly ótemiz.

4. Tulǵany foto jáne vıdeo arqyly rastaý kerek (8 den 21 deıingi tarmaqtardy qaraý qajet, 4-9 better).
5. Qoldanýkelisimimentanysyp, ony rastaýkerekbolady;
6. О́tinish berý formasyna elektrondy pochtany kórsetý kerek.

– Memlekettik organdarǵa onlaın júginýge bolady deıdi. Onyń tártibi qalaı?

– Iıa, eger siz ózińizdiń usynysyńyzdy nemese ótinishińizdi memlekettik organdarǵa jibergińiz kelse elektrondy úkimet portalynan onlaın joldaýǵa bolady.

Ol úshin:

1. Portalaǵa kirý kerek;
2. «Elektrondy júginý» qyzmetin tańdaısyz;
3. Usynylǵan fırmany toltyrý qajet;
4. ESQ rastaısyz;
5. Memlkettik organǵa joldaısyz.

О́tinishiń jaǵdaıyn jeke kabınetten  anyqtaı alasyz. Bul jerde siz memlekettik organǵa jetkendigi týraly habarlamadan bastap ótinishke berilgen daıyn jaýapqa deıin qujattyń barlyq prosesin baqylaı alasyz.

О́tinishke beriletin jaýaptyń merzimderi máseleniń kúrdeliligine baılanysty bolady. Qosymsha anyqtaýlar men tekseristerdi qajet etken jaǵdaıda, qarastyrý merzimi otyz kúntizbelik kúnge deıin uzartylýy múmkin, ol týraly jeke kabınetke qosymsha habarlama jiberiletin bolady.

– Mysaly adamnyń jeke kýáliginiń merzimi aıaqtaldy. Qujatty TJ kezinde aýystyrýǵa bolady ma?

– Eger jeke kýáliktiń eski nusqasynyń jaramdylyq merzimi aıaqtalǵan jaǵdaıda (chıpsyz), onda elektrondyq portal arqyly aýystyrýǵa bolady. Ol úshin saıtta tirkelip, «Azamattyq, kóshi-qon jáne ımmıgrasııa» bólimine ótý qajet bolady, ary qaraı «QR pasporty jáne jeke kýáligi» bólimine ótesiz de, «Qyzmetti onlaın alý» tetigin basasyz.

Keıin, ótinishti toltyryp, ESQ rastaý kerek. О́tinishke:

• sýret;
• qoltańba úlgisin tirkeısiz.

Odan soń, elektrondy úkimettiń tólemder shlıýzy paraqshasyndaǵy «Tóleý» tetigin basyp, tólem jasaısyz.

Jeke kabınette (Qyzmetterdi alý tarıhy)  sizdiń ótinishińizdi óńdeý sharttary týraly habarlamamen tanysý qajet bolady, ol kórsetilgen ýaqyt ishinde kelip túsedi.

Biraq esterińizde bolsyn, bul qyzmetti tek qana chıpsiz qujatty jańa úlgidegi qujatqa aýystyrǵan jaǵdaıda ǵana alýǵa bolady. Basqa jaǵdaıda elimizdegi TJ kezinde qyzmetti alýǵa múmkindik joq. Tótenshe jaǵdaı merzimi aıaqtalǵanyn kútý kerek, tek sodan keıin ǵana jańa qujatty rásimdeı alasyz. TJ kezinde merzimi ótip ketken jaǵdaıda aıyppul salynbaıdy.

– Týý týraly kýálikti qalaı rásimdeýge bolady?

– Balanyń týylǵanyn tirkeý úshin myna is-áreketterdi jasaý kerek:

Egov.kz –tiń  basty paraqshasy > «Azamattarǵa» bólimi > «Otbasy» bólimi > «Otbasylyq jaǵdaıy» > «Balanyń týylǵanyn tirkeý, sonymen qatar azamattyq jaǵdaıy aktisi jazbalaryna tolyqtyrýlar, qosymshalar men ózgerister engizý».

Odan keıin:

– «Qyzmetterdi onlaın alý» tetigin basý;

– О́tinishti toltyryp, ony ESQ-men rastaý kerek (ESQ), nemese SMS-paroli arqyly (ol úshin týylǵany jónindegi medısınalyq anyqtamanyń skanerlengen nusqasy qajet);

– Jeke kabınette («Qyzmetterdi alý tarıhy» bóliminde) sizdiń ótinishińizdi óńdeý jaǵdaıy týraly habarlamamen tanysý qajet;

– Daıyn qujatty alýǵa osy habarlamada kórsetilgen merzimde TJ kezindegi qujattardy berý terezesine barý kerek. TJ kezinde Jandosov kóshesi, 51 meken-jaıynda ornalasqan Áýezov aýdandyq HQO jumys isteýde.  О́zińizben birge: balanyń týylý týraly medısınalyq anyqtama, nekeni qııý týraly kýálik, ata-anasynyń jeke kýálikteri bolýy shart.

– Júktilik pen bosanýǵa baılanysty tólemaqyny onlaın rásimdeýge bola ma?

– Bolady. Ol úshin «elektrondy úkimet» portalyna kirip, «Áleýmettik qamtamasyz etý» bólimin tańdaısyz, keıin, «Otbasylarǵa kómek» – «Áleýmettik qaýipterge baılanysty áleýmettik tólemderdi taǵaıyndaý: Eńbekke qabilettilikti joǵaltý, asyraýshydan aıyrylý, jumysty joǵaltý, júktilik pen bosanýǵa, jańa týylǵan balany asyrap alýǵa, bir jasqa jetkenge deıin balaǵa qaraýǵa baılanysty tabystan aıyrylý» tańdaısyz.

Ary qaraı, «Qyzmetti onlaın alý» tetigin basasyz. Keıin júktilik pen bosanýǵa, jańa týylǵan balany asyrap alýǵa, bir jasqa jetkenge deıin balaǵa qaraýǵa baılanysty tabystan aıyrylý týraly ýaqytsha eńbekke qabiletsizdik qaǵazyn; banktik operasııalardyń jeke túrlerin júzege asyratyn banktar nemese uıymdarda ashylǵan bank shotynyń nómiri týraly qaǵazdy nemese túzetý jasaıtyn  mekemelerdegi qarjyny baqylaý shotyn tirkeısiz. Odan keıin ótinishti toltyryp, ESQ-men rastaý ǵana qalady.

«Jeke kabınette» («Qyzmet alý tarıhy» bóliminde) ótinishińizdiń óńdelý jaǵdaıy týraly habarlamamen tanysýǵa bolady, ol kórsetilgen merzim ishinde kelip túsedi.

– Qaıtys bolǵany týraly kýálikti onlaın rásimdeýge bolady ma?

– Iá, bolady. Ol úshin egov.kz portala kirip «Basty» > «Azamattarǵa» > «Otbasy» > «Otbasylyq jaǵdaı» > «Adamnyń qaıtys bolǵanyn tirkeý, sonymen qatar azamattyq jaǵdaı aktisi jazbalaryna ózgertýler, qosymshalar men tolyqtyrýlar engizý». Keıin: «Qyzmetti onlaın alý» tetigin basý qajet;

– О́tinishti toltyryp, týystyq qatynasy týraly qujattardy tirkeý kerek jáne ony elektrondyq sıfrlyq qoltańbamen rastaısyz;

– Daıyn qujatty alýǵa osy habarlamada kórsetilgen merzimde TJ kezindegi qujattardy berý terezesine barý kerek. (TJ kezinde Jandosov kóshesi, 51 mekenjaıynda ornalasqan Áýezov aýdandyq HQO jumys isteýde), ózińizben birge qujattardyń túpnusqasy bolýy shart.

– Eger adam karantın men TJ rejımin engizý kezinde kólik satylǵan (satyp alynǵan) bolsa qujattardy qalaı tirkeý kerek?

Ol úshin:

1. Egov.kz portalynakirip, «Qyzmetti onlaın alý» tetiginbasasyz;
2. О́tinishtitoltyryp, kóliktisatypalýshynyń JSN engizesiz;
3. О́tinishti ESQ-men (ESP) rastaısyz;
4. Satypalýshyrastaýkerek;
5. Jeke kabınette kórsetilgen qyzmettiń nátıjesimen tanysa alasyz.

         Egov.kz portalynda ótinishti kelisý men memlekettik baj salyǵyn tóleý úshin avtotransportty satyp alýshyda mindetti túrde ESQ bolýy qajet ekendigin este saqtaý kerek.

Ary qaraı mamandyrylǵan HQO kóliktiń tirkelýi týraly jańa kýálik pen nómirdi alýǵa barý kerek bolady. Habarlamada kórsetilgen merzimde Almaty qalasy, Maılın kóshesi,85 mekenjaıyndaǵy,  TJ kezindegi daıyn qujattardy beretin №2 Mamandandyrylǵan HQO-ǵa barý kerek. Jumys ýaqyty tańǵy  9.00-den 17.00-ge deıin, senbi kúni 9.00-den 14.00-ge deıin jumys isteıdi.  О́zińizben birge memlekettik baj salyǵy men alymdardyń tólengeni týraly túbirtek, transportty tireký aktisi, elektrondy  kelisimniń qaǵaz júzindegi nusqasy  jáne eski nómir men tehpasport bolýy kerek.

Nátıjesinde siz kólikti tirkeý týraly kýálik pen jańa nómir alasyz. 

Aıtqandaı, ótinish bergende daıyn qujattardy poshta arqyly úıge jetkizýge de tapsyrys bere alasyz. Ol kezde, mamandyrylǵan HQO-ǵa barýdyń qajeti bolmaıdy.

Eger satýshy men satyp alýshy basqa qalada nemese basqa elde bolsa qyzmetti paıdalaný óte tıimdi.

– Keıbir azamattardyń zeınetaqy rásimdeý ýaqyty tótenshe jaǵdaı ýaqytyna tuspa-tus kelip jatyr. Kórpshiligi anyqtamalar men qujattardy jınap qoıǵan. Endi atalǵan qyzmetti onlaın rásimdeýge bola ma?

– Iá, eger qujattary jınalyp daıyn tursa, rásimdeýge bolady. Ol úshin elektrondyq úkimet portalyna kirý kerek bolady. Keıin kezek boıynsha «Azamattarǵa» > «Áleýmettik qamtamasyz etý» > «Zeınetaqylyq qamtamasyz etý» > «Jasy kelýine baılanysty zeınetaqy taǵaıyndaý» bólimderine kezepen kirý kerek.  Sosyn

–  «Qyzmetti onlaın alý» tetigin basý kerek;

– О́tinishti toltyryp, bank shoty nómiri týraly qujatty tireý; ótinish berýshiniń eńbek ótilin rastaıtyn qujattar (eńbek kitapshasy, arhıvtik mekemelerden nemese jumys ornynan anyqtama kerek, eger qyzmeti týraly jazbalar engizilmese nemese ózgerister bolsa).

• О́tinishti elektrondyq qoltańbamen rastaý.

Qyzmetti onlaın almastan buryn barlyq qujattardy mindetti túrde «Azamattarǵa arnalǵan úkimettiń» mamany tekserýi qajet. Eger siz mundaı tekserýdi karantın engizilgennen buryn ótip qoısańyz, onda qyzmetti onlaın rásimdeı berseńiz bolady. Eger qujattaryńyz tekserilmegen bolsa, karantın merzimi aıaqtalǵanǵa deıin jáne HQO jumysynyń bastalýyn  kútýge týra keledi.

Qazirgi tańda elektrondyq úkimet portaly arqyly onlaın qyzmetterdi alatyndardyń sany kúrt ósti. Júıege de aıtarlyqtaı júktemeler artty, bunyń bári portal paraqshalarynyń ashylý jyldamdyǵyna áserin tıgizýde. Ýaqytsha yńǵaısyzdyqtarǵa túsinistikpen qaraýlaryńyzdy suraımyz. «Azamattarǵa arnalǵan úkimet» MK» KEAQ úıden shyqpaı, elektrondyq úkimet portalyn paıdalaný arqyly memlekettik qyzmetterdi onlaın alýǵa barlyq jaǵdaıdy jasaýda.

Qyzmetterdi onlaın alý arqyly biz ózimizdi jáne jaqyndarymyzdy qorǵap, ortaq qaýipsizdikke óz úlesimizdi qosamyz.

ALMATY