«Barlyq kúsh koronavırýstyq ınfeksııamen kúresýge jumyldyrylǵan. Birinshi basymdyq – halyqty qorǵaý. Ol úshin qaladaǵy barlyq sala jumyldyrylǵan. Eń aldymen bizdiń dárigerler, emhanalar men uıymdar tarapynan qajetti talaptar oryndalýda. Basty másele – búkil qala boıynsha koronavırýstyq ınfeksııanyń taralýyna jol bermeý», – degen Baqytjan Saǵyntaev bas dárigerlerdi ashyq dıalogqa shaqyryp, ózekti máselelerdi talqylaýdy jáne olardy jedel sheshý úshin qajetti sharalardy birlesip atqarý qajettigin aıtty.
Otyrys barysynda jeke qorǵanys quraldarymen qamtamasyz etý, ınfeksııalyq stasıonarlarda dárigerlerdiń jáne barlyq sanattaǵy medısınalyq qyzmetkerlerdiń qaýipsizdigi úshin qajetti sanıtarlyq-epıdemıologııalyq normalardy saqtaý, medısınalyq qyzmetkerlerge ústeme aqy tóleý, turǵyn úı jaǵdaılary jáne naýqastarmen jumys isteıtin barlyq medısınalyq qyzmetkerlerdi tamaqtandyrý, sonymen qatar turǵyndardyń keń kontıngentiniń COVID-19 testine tapsyrý máseleleri qarastyryldy.
Atqarylǵan jumystar jaıly qalalyq Qoǵamdyq densaýlyq basqarmasynyń basshysy T.Ábildaev jáne Taýarlar men qyzmetterdiń sapasy men qaýipsizdigin baqylaý departamentiniń basshysy A.Moldaǵasymova baıandady. О́z kezeginde medısınalyq qoǵamdastyq ókilderiniń atynan №1 qalalyq klınıkalyq aýrýhananyń bas dárigeri E.Qalıev sóıledi.
Búgingi tańda Almaty qalasynda 21 370 adam COVID-19-ǵa tekserýden ótti. Zerthanalyq túrde rastalǵan koronavırýstyq ınfeksııa juqtyrǵan 350 jaǵdaı tirkeldi. Infeksııalyq aýrýhanalarda – 299 naýqas em alyp jatsa, provızorlyq ortalyqtarda – 256 adam, karantındik oqshaýlaýda – 366, úı karantıninde – 7097 adam otyr. Medısınalyq uıymdar barlyq jeke qorǵanys quraldarymen, onyń ishinde 4500-den astam birneshe ret paıdalanýǵa jaramdy qorǵanys medısınalyq kostıýmderimen qamtamasyz etilgen.
Qazaqstan Respýblıkasy Prezıdentiniń tapsyrmasy boıynsha, Almaty qalasynda koronavırýspen kúreske jumyldyrylǵan densaýlyq saqtaý uıymdary qyzmetkerleriniń ústemaqysy 99% tólendi. Qalǵan eki karantındik uıym mamandarynyń ústemaqysyn tóleý boıynsha jumystar júrgizilýde.
Tótenshe jaǵdaı kezinde medısına qyzmetkerleri ózderiniń talap-tilekterine sáıkes qonaq úılerge, hostelder men jataqhanalarǵa, sondaı-aq týysqandarynyń úılerine ornalastyryldy.
Sonymen qatar qonaq úılerde turýǵa nıet bildirýshiler úshin de qosymsha jatyn oryndar bar. Bul rette turý jáne tamaqtanýǵa arnalǵan shyǵyndar jergilikti bıýdjet qarajaty esebinen jabylatyn bolady.
Budan ózge jıyn barysynda aǵymdaǵy jyldyń 1 mamyryna deıin tótenshe jaǵdaıdyń qoldanysyn uzartý men bıylǵy jyldyń 20 sáýirinen bastap ónerkásip jáne qurylys kásiporyndarynyń, qyzmet kórsetý salasynyń belgili bir sektorlarynyń jumysyn iske qosylatyndyǵyn eskere otyryp, koronavırýstyq ınfeksııany taratpaý úshin sanıtarlyq-epıdemıologııalyq normalardyń odan ári saqtalýyn qamtamasyz etý jónindegi sharalar qaraldy. Sondaı-aq jańa modýldik juqpaly aýrýlar aýrýhanasynyń jumysyn jolǵa qoıý máselesi sóz boldy. Iаǵnı, aýrýhanaǵa medısınalyq qyzmetkerlerdi tartý jáne onyń tehnıkalyq quraldarmen jabdyqtalýyna erekshe kóńil bólindi.
Megapolıs ákimi kezdesýdi qorytyndylaı kele, COVID-19 indetimen kúres jolynda júrgen barlyq mamandarǵa tártip pen sanıtarlyq-epıdemıologııalyq normalardy qatań saqtaý kerektigin basa atap ótti.
«Baýyrjan Momyshulynyń sózi bar «Tártipsiz el bolmaıdy, tártipke bas ıgen qul bolmaıdy». Bir jaǵadan bas, bir jeńnen qol shyǵara, jumyla jumys isteý qajet. Ásirese, dál búgingideı syn shaqta árbir jumys ornynda qatań tártip kerek», – dedi Baqytjan Saǵyntaev. Sondaı-aq, ákimdik, quqyq qorǵaý qyzmeti, áskerı qyzmetshiler de qalanyń epıdemıologııalyq qaýipsizdigin qamtamasyz etý maqsatynda jan-jaqty qoldaý kórsetetinin atap ótti.
ALMATY
