Máselen, «Azamattarǵa arnalǵan úkimet» memlekettik korporasııasy" KEAQ Almaty qalasy fılıaly Túrksib aýdandyq front-ofısi basshysynyń orynbasary Nazgúl Júnisova isi ózgelerge ónege bolsyn. Nazgúl Bolatbekqyzy osy salada jumys istep júrgenine 6 jyldyń júzi bolypty. Jumysty fılıaldyń kadr bóliminen bastaǵan ol, kúndelikti jumysy qaınap jatatyn Mamandandyrylǵan HQO-da ınspektor, odan ári bólim basshysynyń orynbasary laýazymyna taǵaıyndalǵan.
Osy jyldyń basynda aýdandyq front-ofıs basshylyǵyn tájirıbe almasý maqsatynda bir-birimen aýystyrý úderisimen Túrksib aýdanyna barǵan.
Nazgúl Bolatbekqyzy munda da ádettegi belsendiligine basyp, ujymnyń qyzmet kórsetýden basqa da qosymsha qoǵamdyq jumystaryn moınyna aldy. Qımyldy, umtylysty, tirshilikti jaqsy kóretin ol, Almatydaǵy JOO-lar men kolledjderde, mekemeler men uıymdarda sıfrlyq qyzmet alýdy úıretý jumystaryna kiristi. Aptasyna 3-4 mekemeni mejelep, oqytýlar men aksııalar uıymdastyryp júrgende, elimiz karantınge tap keldi.
Endi, ol óziniń dostarymen eriktiler uıymyn quryp, qaltalarynan qarajat shyǵaryp, az qamtylǵan jáne kóp balaly otbasylarǵa kómek kórsetýge kiristi.
Ázirge tiziminde 15 otbasy bar. Árqaısysyna otbasy músheleriniń sanyna qaraı azyq-túlik aparyp berýde.
«Mundaı is árqaısymyzdyń azamattyq boryshymyz ǵoı. Osyndaı qıyn kezde bir-birimizge qol ushyn sozyp, qaıyrymdylyq jasap, muqtaj jandardyń az da bolsa qajetine jarasaq, bizdiń mıssııamyzdyń oryndalǵany», - deıdi Nazgúl.
ALMATY
