Ol úshin ZOOM qosymshasyn ornatyp, silteme boıynsha ótý qajet: https://clck.ru/Qjy2P. Azamattardy qabyldaý vırtýaldy kabınette dúısenbiden jumaǵa deıin saǵat 10.00 - 18.00 aralyǵynda ótedi.
«Ár adamǵa sapaly quqyqtyq keńes qajet. El prezıdenti Qasym-Jomart Toqaev volonterlik qyzmettiń basym mindetteriniń biri – muqtaj jandarǵa zańgerlik kómek berý degen bolatyn. Biraq quqyqtanýshy mamandar qyzmetiniń baǵasy barlyǵyna birdeı qoljetimdi emes. Saýatty zańgerlerdiń keńesi ýaqytynda berilgen bolsa, biraz keısterdi sheshýge bolatyn edi», dep atap ótti klınısıst-stýdent Ramazan Áziretqulov.
Zań klınıkasy dırektorynyń aıtýynsha, azamattyq, otbasylyq nemese eńbek máseleleri boıynsha habarlasýǵa bolady. Klınısıst-stýdentterdiń jaýaptary aldyn ala kásibı zańgerlerdiń sapalyq tekserýinen ótedi.
«Biz Qazaqstanda «Volonter jyly» jarııalanǵanǵa deıin de quqyqtyq eriktiler retinde belsendi jumys atqardyq. Bıyl karantındik shekteýlerdi eskerip, qashyqtan keńes berýdi qolǵa alyp otyrmyz. Arnaıy ázirlengen Zandar.kz saıtynan basqa, ZOOM platformasynda vırtýaldy kabınet iske qosyldy. Zań klınıkasynda taǵylymdamadan ótip júrgen stýdentter jurtshylyqty mazalaǵan suraqtarǵa onlaın rejimde jaýap berýge daıyn. Biz stýdentterimizdiń kúsh-jigeri arqyly quqyqtyq volonterlikti damytyp, halyqtyń quqyqtyq saýattylyǵyn arttyrýǵa úles qosyp qana qoımaı, bolashaq zańgerlerdi áleýmettik jaýapkershilikke tárbıeleımiz», dep atap ótti KAZGIýÝ Zań klınıkasynyń dırektory Ester Babadjanıan.
