Shartta qylmystyq ister boıynsha quqyqtyq kómek rásimderi, suraý salýdyń nysany men mazmuny, berý sharttary, kómek kórsetýden bas tartý úshin negizder jazylǵan.
«Shartty ratıfıkasııalaý qylmys jasaýdaǵy kúdiktiler men aıyptalýshylardyń kinásin dáleldeýge baǵyttalǵan barlyq keshendi isterdi júrgizýge, sondaı-aq Qazaqstan men Ýkraınanyń tergeý organdaryna ózara tyǵyz is-qımyl jasaýǵa múmkindik beredi. Kelisim qylmystyq isterdi jedel ári ádil tergeýge yqpal etedi», - dedi senator Nurlan Beknazarov.
Shart ratıfıkasııalanǵanda Ýkraına tarapymen qylmystyq-quqyqtyq saladaǵy ekijaqty sharttardyń tolyq toptamasyn jasaqtaý aıaqtalady.
Bul shart qylmystyq-quqyqtyq saladaǵy basqa uqsas sharttardan erekshelenedi, onda barlyq qazaqstandyq quqyq qorǵaý organdary, Bas prokýratýra, UQK, IIM, Sybaılas jemqorlyqqa qarsy qyzmet, Áskerı polısııa, Ekonomıkalyq tergeý qyzmeti ózderiniń ýkraındyq áriptesterimen ózara tikeleı is-qımyl jasaýǵa ókilettikter beriledi.
Qujat Palatanyń qaraýyna jiberildi.
