Uzaq merzimdi depozıt mólsherlemelerine túzetý engizdi

Qazan aıyna arnalǵan mól­sher­lemelermen salys­tyr­ǵan­da shekti mólsherlemelerge qatysty ózgerister uzaq mer­zim­di depozıtter boıynsha oryn aldy. Bul mólsherlemeler na­ryq­taǵy ózeristerge baılanysty esepteledi, ıaǵnı olardyń joǵarylýyn nemese tómendeýin bank sektory qalyptastyrady.

Sonymen 12 jáne 24 aıǵa shaq­talǵan merzimdi depozıtter boıynsha naryqtyq mól­sher­lemelerdiń tómendeýi nátı­je­sinde olar boıynsha shekti mól­sherlemeler sáıkesinshe 0,4 jáne 0,1 paıyzdyq tarmaq­qa azaıdy. Tómendeýge qatys­ty bul úrdis bankterdiń dál osy depozıtterge degen qyzy­ǵý­shy­lyǵynyń tómendigin kórsetedi. О́ıtkeni jınaq depozıttermen salystyrǵanda olardyń utqyr­ly­ǵy joǵary.

Bul rette paıyzdyq mar­ja­nyń karantındik shara­lar­dyń áserinen oryn alǵan ekono­mı­ka­lyq quldyraýdyń sebebinen yqtımaldy tómen­de­genin eskerer bolsaq, 24 aıǵa arnalǵan jınaq depozıt­ter boıynsha naryqtyq mól­sher­lemelerdiń 0,3 paıyzdyq tarmaqqa tómendeýi bankterdiń qor jınaýda saqtaný saıasatyna kósh­kenin bildiredi.

Ulttyq valıýtadaǵy bas­qa de­pozıtter boıynsha usy­ny­la­tyn eń joǵary syıaqy mól­­sherlemeleri burynǵy deń­ge­ıin­de qaldy.