«Barys Arena» sport kesheninde ótken oıynda Habarovskiniń «Amýr» ujymyn qabyldaǵan jerlesterimiz qarsylastar qaqpasyna bes shaıba soǵyp, esh qıyndyqsyz jeńiske jetti. Kezdesýdiń esebin 6-mınýtta Darren Dısten tamasha pas alǵan shabýylshy Iаkob Lılıa ashty. Ekinshi kezeńde esepti teńestirýdi kózdegen «Amýr» oıynshylary 24-mınýtta óz degenderine jetti. Shaıba avtory – Mıhal Iordan. Degenmen kezeń aıaqtalar tusta Roman Starchenko mergendigimen kózge túsip, «Barysty» esepte alǵa shyǵardy.
Úshinshi kezeńde jankúıerler 4 shaıbanyń kýási boldy. 40-mınýtta Kıortıs Volk alań qojaıyndarynyń basymdyǵyn odan ári arttyrsa, 52-mınýtta Álıhan Ásetov osy maýsymdaǵy alǵashqy golyn soqty. Al 57-mınýtta Iаkob Lılıa dýbl avtory atanyp, kezdesýdiń núktesin qoıdy. Matchtyń sońǵy mınýtynda qonaqtardan Domınık Mashın esep aıyrmasyn qysqartqanymen, oıyn nátıjesine esh áser etken joq. Qorytyndy esep – 5:2.
Bul – «Barystyń» keıingi 10 oıyndaǵy toǵyzynshy jeńisi. Jerlesterimiz qazirgi tańda týrnır kestesinde 43 upaımen 8-orynda keledi. «Barys» kelesi kezdesýin búgin Sibirdiń «Sibir» komandasymen ótkizedi.
