«Bir aı buryn stýdenttermen kezdesý kezinde mınıstrlik janynan Stýdenttik keńes qurylatynyn aıtqan bolatynmyn. Onyń quramyda árbir iri JOO-nyń stýdentteri arasynan bir kóshbasshy jáne respýblıkalyq jastar uıymynan bir kóshbasshy bolady. JOO atynan qabyldanǵan kóshbasshylar stýdenttik ózin-ózi basqarý organdarynyń tóraǵalary bolýy kerek.
Mınıstrdiń aıtýynsha, stýdentter máseleleri jónindegi Keńestiń otyrystarynda jastardyń bastamalaryn damytýǵa jáne stýdentterdi qoldaýǵa qatysty suraqtardy, BǴM quzyretine kiretin barlyq máseleler talqylanady. Kóshbasshylar mańyzdy máselelerdi kóterip, óz ıdeıalaryn tikeleı baǵyttaýǵa múmkindik alady.
«Belgilengen alǵashqy otyrysta biz jastarmen tanysyp, bolashaqqa josparlardy talqylap, júıeli túrde ózara jumys júrgizýge kelistik. О́z kezegimde jastar uıymdary men JOO kóshbasshylaryna atqarylyp jatqan jumystar týraly aıttym. Olar: shákirtaqyny arttyrý, oqytý sapasyna qatysty máseleler, JOO-lardy ońtaılandyrý, stýdenttik jataqhanalar salý jáne t. b.
Stýdentter máseleleri jónindegi Keńestiń kelesi otyrysyn Jańa jyldyń qańtar aıynda ótkizýdi josparlap otyrmyz. Biz jastarmen eń ózekti máselelerdi talqylap, olardy sheshýdiń naqty strategııasyn jasaımyz. Mundaı kezdesýler ár toqsan saıyn ótkiziletin bolady», dep jazdy mınıstr A. Aımaǵambetov.
