Energııa óndirýshi kásiporyndarǵa 58,8 mln tonna kómir tıeldi, bul 2019 jylmen salystyrǵanda 2,6% - ǵa artyq. О́nerkásip kásiporyndaryna 5,6 mln tonna kómir jóneltildi, sondaı-aq kommýnaldyq-turmystyq qajettilikterge jáne halyqqa 10,6 mln tonna kómir tıeldi. Kómir eksporty shamamen 29,3 mln tonna kómirdi qurady.
Esterińizge sala keteıik, 2020-2021 jyldardaǵy kezeńde kommýnaldyq-turmystyq qajettilikter jáne halyq úshin kómir ónimi qajettiliginiń qalyptasqan josparyna sáıkes tutyný kólemi shamamen 10 mln tonnany qurady, onyń ishinde kommýnaldyq-turmystyq sektorǵa shamamen 2,8 mln tonna, turǵyndar – 7,2 mln tonna bolady.
2021 jylǵy 15 qańtardaǵy jaǵdaı boıynsha jalpy josparǵa qatysty kómir qorymen qamtamasyz etý mynadaı kórsetkishterdi quraıdy: kommýnaldyq-turmystyq sektor 93,4%; halyq 99,5%.
Aqtóbe, Almaty, ShQO, Jambyl, BQO, Qaraǵandy, Qostanaı, Qyzylorda, Pavlodar oblystarynyń jáne Almaty men Shymkent qalalarynyń ákimdikteri kommýnaldyq-turmystyq sektor úshin kómir jetkizýdi tolyq qamtamasyz etti.
Sonymen qatar BQO, Qyzylorda, Aqmola, Shyǵys Qazaqstan, Qostanaı, Jambyl, Pavlodar oblystarynyń, Shymkent, Almaty jáne Nur-Sultan qalalarynyń ákimdikteri halyqqa kómir jetkizýdi tolyq qamtamasyz etti.
