Bıyl besinshi ret ótkizilip otyrǵan dodaǵa telejýrnalısterden 250 ótinish kelip túsken. Olardyń arasynan 10 atalym boıynsha 40 jumys iriktelip alyndy. Baıqaýǵa qatysqan jumystardyń 88-i qazaq tilinde, 162-si orys tilinde. Jeńimpazdar qazylardyń jabyq daýys berýi arqyly anyqtaldy.
Eń kóp ótinim «Úzdik derekti fılm» atalymy boıynsha kelip tústi. 42 jýrnalıst jumysyn usynǵan. «Úzdik telejýrnalıst» atalymy boıynsha 40, «Úzdik telejúrgizýshi» atalymy boıynsha 38 jáne «Úzdik rejısserlik jumys» atalymy boıynsha 31 jumys baıqaýǵa qatysty.
«Bıyl besinshi ret ótip otyrǵan bul joba – júzden júırik shyqqan jańa esimderdi jyl saıyn jarııalap, jalyndy tulǵalar men tyń bastamalardyń jasampaz jolyna aınaldy! Sóz joq, búgingi televızııa – tek aqparattyń kózi ǵana emes. Bul – ulttyq ıdeologııa men tálim-tárbıeniń quraly. Al endi, osynaý strategııalyq mańyzy zor salanyń baryn baptap, joǵyn joqtap júrgen – myna ózderińiz!» dedi saltanatty is-sharanyń shymyldyǵyn ashqan Aıda Balaeva.
Mınıstrdiń aıtýynsha, bıylǵy báıge el Táýelsizdiginiń 30 jyldyǵy aıasynda ótýde. «Osy 30 jyl ishinde el damýymen birge ulttyq BAQ, sonyń ishinde televızııa salasy úlken ózgeristerden ótti. Qarqyndy damyp, nátıjeli bıikterdi baǵyndyrdy. О́tken 2020 jyl elimiz úshin úlken synaq jyly boldy. Álemdik pandemııa bastalǵanda – tilshiler qaýymy, sonyń ishinde telejýrnalıster qaýip-qaterge qaramaı alǵy shepten kórindi. Kún-tún demeı jumys istep, halyqqa shynaıy aqparat jetkizdi», dedi ol.
Mınıstr ótken jyly teleaýdıtorııa ósimi 22 paıyzdy quraǵanyn, otandyq televızııalyq ónimge suranystyń artqanyn aıtty. Álemdik jetekshi medıakompanııalarmen halyqaralyq yntymaqtastyq nyǵaıtylyp, qazaqstandyq ónimderdi shetelderde ilgeriletý jumysy jandandyrylǵanyn atap ótti. Sonymen qatar Reseı, Túrkııa, О́zbekstan, Qyrǵyzstan telekompanııalarmen birlesken televızııalyq ónim shyǵarý boıynsha ýaǵdalastyqqa qol jetkizilgenine nazar aýdardy. «Árıne, bul – osy bir jylda atqarylǵan kóp jumystyń azǵantaı bóligi ǵana. Onyń bárin qazir tizip aıtý múmkin emes. Eń bastysy – bolashaq baǵdarymyz anyq, josparymyz aıqyn. О́kinishke qaraı, qoǵam áli de álemdik pandemııanyń yqpalynda. Sondyqtan «Tumar» syılyǵy bıyl 2-márte onlaın formatta ótip otyr. Bıyl 48 otandyq televızııa ókiline «Tumar» báıgesiniń syılyǵy tabystalady. Onyń arasynda tanymal rejısserler men jýrnalıster, kásibı operatorlar men ssenarıster bar. Sóz joq, olardyń atqarǵan jumysy men jobalary otandyq televızııanyń básekege qabiletin arttyryp, kásibı deńgeıge, jańa bıikke kóteredi dep senemiz», dedi ol.
Aıda Balaeva sóz sońynda barsha qazaqstandyqtardy 7 mamyr – Otan qorǵaýshy kúnimen jáne 9 mamyr – Uly Jeńis merekesimen quttyqtady. «Árıne, Otan qorǵaý uǵymynyń maǵynasy tereń. Shúkir, búginde tynysh zaman, berekeli ómir keshýdemiz. Dese de, beıbit zamannyń da óz synaqtary men mindeti bar. Osy ortaq maqsat jolynda qıyndyqtardy birge eńserip, jetistikterge birge jeteıik», dedi mınıstr.
Al baıqaý qorytyndysy boıynsha, Atameken Business telearnasynyń jýrnalısi Rýslan Ydyrysov «Úzdik telejýrnalıst», «KTK» telearnasynyń qyzmetkeri Kamıla Júsipova «Úzdik telejúrgizýshi» atandy.
«NTK» telearnasy daıyndaǵan JOL derekti fılmi «Úzdik rejısserlik jumys» atalymy boıynsha úzdik dep tanyldy. Qazaqstan ulttyq arnasynan kórsetiletin «Teledáriger» baǵdarlamasy «Úzdik áleýmettik joba», Astana TV telearnasynyń Aitarym bar baǵdarlamasy «Úzdik tok-shoý» atalymdaryn jeńip aldy.
«Úzdik derekti fılm» atalymy «Nyǵmet Nurmaqov. Tórtinshi Premer-Mınıstr» fılmi úshin «Saryarqa» telearnasyna buıyrdy.
«Úzdik oıyn-saýyq baǵdarlamasy» retinde Qazaqstan ulttyq telearnasynyń «Júzden júırik» baǵdarlamasy tanyldy. Al «Habar» telearnasy daıyndaǵan «Abaı joly» «Úzdik televızııalyq serıal» retinde tańdaldy. «Úzdik aqparattyq baǵdarlama» atalymy «Eýrazııa» birinshi arnasynyń» qanjyǵasynda. Al «Úzdik aımaqtyq telearna» retinde Pavlodar qalalyq «Irbıs TV» arnasy tańdaldy.
Sonymen qatar Aqparat jáne qoǵamdyq damý mınıstri Aıda Balaeva «Habar 24» arnasyna «Tumar» ulttyq televızııalyq báıgesiniń arnaıy syılyǵyn tabystady. «Bul syılyqty men óte úlken qýanyshpen jarııalaımyn. Sebebi táýlik boıy, karantın kezinde de, qazir de bul arna elge úzdiksiz aqparat taratyp keledi. Al tótenshe jaǵdaı kezeńinde «Habar 24» el ishinde 384 saǵat, shetelde 19 saǵat tikeleı qosylym jasapty. Munyń barlyǵy – úlken ujymnyń tynymsyz eńbeginiń arqasy», dedi Aıda Balaeva.
Baıqaý jeńimpazdary qazaqstandyq televızııany damytýǵa qosqan úlesi úshin 1 mıllıon teńge kóleminde aqshalaı syıaqyǵa jáne «Tumar» músinshesine ıe boldy.
