«Búginde eń mańyzdy másele ol - Donbastaǵy jaǵdaı. О́ıtkeni bizde soǵysty toqtatýǵa qatysty birneshe jospar bar - A, V, S - osy taqyryppen referendým ótkizemiz. Josparlardyń biri oryndalýy múmkin», dedi Zelenskıı beısenbide ótken baspasóz máslıhatynda.
8 sáýirde prezıdent Vladımır Zelenskıı «Búkilýkraınalyq referendým týraly» Zańǵa qol qoıǵan. Zańda el prezıdenti halyqqa memlekettik máselelerdi saıasatkerlerdiń qatysýynsyz derbes jáne tikeleı sheshý quqyǵyn berý týraly bastama kóterdi.
Zańǵa sáıkes búkilýkraınalyq referendým taqyryby Ýkraına Konstıtýsııasynyń I, III, XIII bólimderine ózgerister engizý týraly suraqtar; ulttyq mańyzy bar máseleler; memlekettiń aýmaqtyq tutastyǵy saqtalǵan jaǵdaıda Ýkraına aýmaǵyn ózgertý týraly másele, sondaı-aq Ýkraına Zańynyń nemese onyń jekelegen erejeleri kúshin joıý týraly másele bolýy múmkin.
