Aýyl ákimin saılaý – ortaq jaýapkershilik

Prezıdenttiń bul bastamasy alda bolatyn saıası naýqanǵa mańyzdy mindet júkteıtini bel­gili. Sonymen qatar bala­ma­ly negizde saılanatyn aýyl ákim­derinen de jergilikti jurt­shylyq jaqsy bastama men joǵary nátıje kútetini aıan.

Jambyl oblysynda aýyl­dyq okrýg ákimderine kandıdat­tardy usyný nátıjeleri belgili boldy. Bir orynǵa eń kóp úmitker Jambyl aýdanynda tirkelgen.

«О́ńirde saılaý prosesi bas­ta­lǵannan beri aýyldyq okrýg ákimdigine 122 kandıdat usy­nyldy. Al usyný merzimi aıaq­talǵan kúni ár okrýgke ekiden kóp kandıdat usynylǵan. Usy­nylǵan kandıdattardyń ishinde 76 adam saıası partııalar­dan bol­sa, 46 adam ózin-ózi usyn­ǵan­dar bolyp sanalady», deıdi Jambyl oblystyq saılaý komıssııasynyń tóraǵasy Ser­ǵalı Aıdapkelov.

Aýyl ákimdigine kandıdat­tyqqa usynylǵan 122 úmitker­diń ortasha jasy 39,8 jasty quraıdy eken. Aralarynda 25 áıel bar.

Árıne, aýyl ákimi bolyp saı­lanatyn tulǵa joǵary bilim­di, tájirıbeli bolýy shart. Aýyl­dyqtar da óz aýyly­nyń qamyn oılaıtyn, adal, eńbek­qor azamattyń ákim bolyp saı­lanǵanyn qalaıdy. Sebebi Jambyl oblysynyń kóptegen aýylynda áli de kóshelerdi kórkeıtý, aýyz sý, gaz sııaqty kókeıkesti máseleler tolyq she­shimin tapqan joq. Osy tur­ǵydan kelgende qarapaıym ha­lyq birinshi kezekte kúrmeýi kúr­deli máseleni aýdan, tipti ob­lys basshylyǵyna deıin jetkizip, odan nátıje shyǵara alatyn mamandy qoldaıtyny anyq.

Endi aýyl ákimdigine úmit­kerlikke kimder, naqty qandaı mamandyq ıeleri, qaı salada júrgen azamattar bolyp otyr degen suraqqa kelsek, jambyldyq kandıdattardyń ishinde 56 memlekettik qyzmetshi, 36 bıýdjet salasynyń qyzmetkeri, 7 kom­mersııalyq qurylymdardyń ju­myskeri, 5 jumyssyz adam, 14 aýyldyq okrýg ákimi jáne 4 basqa tulǵa bar.

Qazirgi ýaqytta ýákiletti memlekettik organdar usynylǵan kandıdattardyń zańnama talaptaryna sáıkestigin anyqtaý jáne olardy tirkeý jumystaryn júrgizý ústinde. Kandıdattar­dy tirkegennen keıin saılaý al­dyndaǵy úgit bastalyp, ol saı­­laý kúni qarsańynda aıaq­talady. Sondyqtan da bul aýyl turǵyndary úshin mańyzdy saıası naýqan bolǵaly tur. Olar ózderine eń jaqyn bılik ókilin ózderi tańdap, daýys berip, konstıtýsııalyq quqyqtaryn paıdalanatyn bolady. Endi olar «Mynaý ákimdi kim taǵa­ıyndaǵan?» dep aýdan, oblys basshylaryna kiná qoıa almaıtyn bolady. Iаǵnı aýyl turǵyndary ózderi ómir súrip jatqan eldi meken basshysyn saılaýǵa jaı ǵana qatysyp qoımaı, kópshilik daýyspen qabyldanatyn sheshim úshin ortaq jaýapkershilik júgin arqalaıtyndyǵyn sezinýi kerek. О́ıt­keni demokratııa azamat­tar­ǵa quqyq qana bermeı, mindet te júkteıtini málim. Al aýyl áki­mi bolyp saılanatyn azamattar úshin ózderine kórsetilgen ha­lyq senimin aqtaý – zor jaýap­kershilik jáne odan asqan abyroı da joq. Árıne, qaı ákimniń jumysy qalaı júredi, odan shyǵatyn nátıje qandaı bolmaq, ony aldaǵy ýaqyt kórsetedi.

Jambyl oblysy