Kollajdy jasaǵan Qonysbaı ShEJIMBAI, «EQ»
Qaraǵandy oblystyq densaýlyq saqtaý basqarmasynyń basshysy Gamal Toqsambaevtyń sózine sensek, óńirde koronavırýs ınfeksııasynan emdeý úshin barlyq qajetti dári-dármek, jeke qorǵanys quraldary, sondaı-aq ottegi konsentratorlary jetkilikti. Budan bólek, oblysta «jaman tumaýdy» jedel anyqtaý úshin 8 PTR-zerthana ashylyp, 26 kompıýterlik tomografııa apparaty jumys isteıdi. Bıyl taǵy da osyndaı 4 kabınet ashylmaq.
G.Toqsambaev óńirde kún saıyn dert juqtyrǵandar sanynyń artyp kele jatqanyn habarlady.
– Bul jaǵdaı jedel járdemge jáne mobıldi toptarǵa túsetin qońyraýlardyń artýy boıynsha naqtylanǵan. Bizde tósektik oryndardy ornalastyrý kezeńdik jospary boıynsha júrgiziledi. Búginde rezervte 2 300 tósek bar. Iаǵnı júıe daıyn, dári-dármekter de jetkilikti, – dedi ol.
Joǵaryda aıtqan kompıýterlik tomografııa kabınetteri memleket-jekemenshik áriptestik baǵdarlamasy negizinde Jańaarqa, Osakarov, Qarqaraly aýdandarynyń aýrýhanalarynda, sondaı-aq oblystyq ftızıopýlmonologııa ortalyǵynda ashylmaq.
Jalpy, oblysta KVI dertine shaldyqqandarǵa dárigerlik kómek kórsetý úshin zamanaýı medısınalyq qural-saımanmen jabdyqtalǵan 44 stasıonar jumys isteıdi. Budan bólek jelilik jedel járdem mashınalarymen qatar 128 reanımobıl turǵyndarǵa qyzmet kórsetedi. Al aýrý boı bermeı bara jatsa, gospıtaldarda 6 myńnan astam dáriger jumys isteýge daıyn.
О́ńirde ottegi ballondary jetkilikti. Qazirgi tańda onyń 29 myń danasy bar. Sonymen qatar oblystaǵy medısınalyq uıymdarǵa 1 160 ortalyqtandyrylǵan ottegi jetkizý qurylǵysy ornatylǵan. Barlyq emhanalarda turǵyndar telefon arqyly keńes ala alatyn sall-ortalyqtar jumys isteıdi.
Basqarma basshysy vaksınalaýdyń ınfeksııa men aýrýdyń asqynýyn boldyrmaýǵa kómektesetinin taǵy bir márte eske saldy. Al óńirde ótken jyldyń qarasha aıynan bastap koronavırýs ınfeksııasyna qarsy turǵyndardy revaksınalaý bastalǵan bolatyn.
– Oblysta 115 ımmýndaý ortalyǵy belsendi jumys isteıdi. Pfizer vaksınasyn alý úshin mamandandyrylǵan tońazytqysh quraldarymen jabdyqtalǵan qosymsha 27 ortalyq bar. О́ńirde barlyǵy 566 myńnan astam adam ekpeniń ekinshi komponentin aldy, – deıdi G.Toqsambaev.
Qaraǵandy oblysy
