Ekologııa • 15 Maýsym, 2022

Elimizdiń 10 óńirinde aýa sapasy nashar - mınıstrlik

23 ret kórsetildi

Bul týraly Ekologııa, geologııa jáne tabıǵı resýrstar vıse-mınıstri Zúlfııa Súleımenova málim etti, dep habarlaıdy Egemen.kz.

«Qazaqstannyń 45 ónerkásiptik aımaǵyndaǵy aýanyń lastaný deńgeıine monıtorıng júrgizildi. Nátıjesinde 10 aımaqta aýa sapasy nashar ekeni anyqtaldy. Nur-Sultan, Almaty, Qaraǵandy, Temirtaý, Atyraý, Aqtóbe, Balqash, О́skemen, Jezqazǵan jáne Shymkent qalalarynda aýanyń lastaný deńgeıi óte joǵary. Oǵan úsh negizgi faktor áser etedi. Máselen, Nur-Sultan men Almatyda jylytý elektrostansııalary aýaǵa zııandy qaldyqtardy kóp mólsherde bóledi. Temirtaý men О́skemende ekologııaǵa iri kólemde ónerkásipter zııan keltiredi.  Al batys óńirlerde eskirgen káriz júıeleri aýany lastap otyr», dedi vıse-mınıstr.

Zúlfııa Súleımenovanyń dereginshe, óńirlerdegi ekologııa ahýalyn jaqsartý úshin 16 jol kartasy ázirlengen.

«Jol kartasyna sáıkes, 485 is-shara uıymdastyrý josparlanǵan. 2020 jyldan 2022 jyldyń birinshi toqsanyna deıin belgilengen jumystar 50%-ǵa aıaqtaldy. Osy sharalardyń nátıjesinde 2025 jylǵa qaraı 10 aımaqtaǵy ekologııanyń lastaný deńgeıi tómendeıdi dep boljap otyrmyz», dep atap ótti Zúlfııa Súleımenova.

Elimizde aýanyń lastanýyna sebepshi bolyp otyrǵan iri 16 kásiporyn bar. Vıse-mınıstrdiń aıtýynsha, atalǵan kompanııalar óz qarajaty esebinen zııandy qaldyqtar mólsherin 20-30%-ǵa deıin azaıtýǵa mindetteldi.



 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar