Ol 1972 jyly jeltoqsanda dúnıege kelgen. 1994 jyly Qazaq memlekettik halyqaralyq qatynastar jáne álem tilderi ýnıversıtetin; 1996 jyly «Bolashaq» baǵdarlamasy boıynsha Halyqaralyq qatynastar ınstıtýtyn (Strasbýrg q., Fransııa); 1998 jyly Fransııa Premer-mınıstri janyndaǵy Halyqaralyq memlekettik basqarý ınstıtýtyn (Parıj q.), Adam quqyqtary ınstıtýtyn (Strasbýrg q.), Halyqaralyq quqyq akademııasyn (Gaaga q., Nıderland); 2006 jyly QR Syrtqy ister mınıstrliginiń Dıplomatııalyq akademııasyn bitirdi.
Eńbek jolyn Qazaqstan Respýblıkasy Prezıdentiniń janyndaǵy Ulttyq joǵary memlekettik basqarý mektebinde tilshi-sarapshy retinde bastaǵan. 1999 jyldan bastap QR SIM júıesinde, Ekijaqty yntymaqtastyq departamentiniń referenti, úshinshi hatshysy, ekinshi hatshysy retinde jumys istedi; 2001 jyldan 2005 jylǵa deıin Fransııadaǵy QR Elshiliginiń ekinshi hatshysy boldy, odan keıin QR SIM Eýropa jáne Amerıka departamentiniń Eýropa basqarmasynyń basshysy laýazymyna taǵaıyndaldy. Keıin Belgııa men Fransııadaǵy QR elshilikterinde Keńesshi-ýákil, sondaı-aq QR SIM Erekshe tapsyrmalar jónindegi elshisi bolyp jumys istedi.
QR SIM Halyqaralyq aqparat komıtetiniń tóraǵasy laýazymyna taǵaıyndalǵanǵa deıin 2017-2022 jyldar aralyǵynda Qazaqstan Respýblıkasynyń Fransııadaǵy jáne Monakodaǵy Tótenshe jáne О́kiletti Elshisi, IýNESKO janyndaǵy Turaqty ókili boldy.
2021 jyldyń jeltoqsan aıynda «Qurmet» ordenimen marapattaldy. I synypty Tótenshe jáne О́kiletti Ýákil dıplomatııalyq dárejesine ıe. Fransýz jáne aǵylshyn tilderin meńgergen.
