Vedomstvo basshysy Baǵdat Mýsın 2022 jylǵy jumys qorytyndylary, sondaı-aq memlekettik qyzmetterdiń sapasy men qoljetimdiligin arttyrý, HQKO-lardy jańǵyrtý jáne halyq pen bıznes úshin jańa sıfrlyq servısterdi engizý, telekommýnıkasııa jáne aeroǵarysh salalaryn damytý, memlekettik apparatty sıfrlyq transformasııalaý jáne eldiń aqparattyq qaýipsizdigin nyǵaıtý jónindegi josparlar týraly baıandady.
Atap aıtqanda, jyljymaıtyn múlikpen jasalatyn mámilelerdi jáne kommýnaldyq sharttardy onlaın formatqa kóshirý, táýekelderdi basqarý júıesiniń derekteri negizinde bıznesti tekserýdi avtomattandyrý, ınnovatorlar men jer qoınaýyn paıdalanýshylardyń ózara is-qımyly úshin biryńǵaı servısti ázirleý, e-Health, e-Otinish, e-Gov business, Smart Data Ukimet jáne basqa platformalardy damytý boıynsha jumys jalǵasady.
Sondaı-aq «Qazaqtelekom» AQ, «Qazaqstan Ǵarysh Sapary» UK» AQ jáne Astana Hub IT-startaptar tehnoparkiniń basshylary baıandama jasady.
Premer-mınıstr Sıfrlyq damý, ınnovasııalar jáne aeroǵarysh ónerkásibi mınıstrliginiń basym mindetteriniń biri azamattardy sapaly uıaly baılanyspen jáne ınternetpen jappaı qamtamasyz etý bolyp tabylatynyn atap ótti. Onyń aıtýynsha, ázirlenip jatqan «Qoljetimdi ınternet» ulttyq jobasy aıasynda qajetti sharalar qabyldanýy tıis.
«Búginde 5G baılanysyn engizý boıynsha jumys júrgizilip jatyr, birinshi kezekte respýblıkalyq mańyzy bar qalalar men oblys ortalyqtaryn qamtý josparlanýda. Sonymen qatar óńirlerde baılanys sapasyn arttyra otyryp, 3G jáne 4G standarttaryn damytýdy jalǵastyrý qajet», dedi Álıhan Smaıylov.
Úkimet basshysy daryndy jastardy IT-sektorǵa tartý úshin tehnologııalyq habtardyń óńirlik ekojúıesin damytý qajettiligine erekshe nazar aýdardy.
«О́ńirlerdegi jastarda ozyq tájirıbeni zerdeleý jáne ınnovasııalyq oılaýdy damytýǵa tıisti múmkindikter, sondaı-aq óz ıdeıalaryn iske asyrý jáne halyqaralyq naryqtarǵa tabysty shyǵý úshin qajetti tehnıkalyq ınfraqurylym bolýy tıis. Bul mindetti sheshý úshin Sıfrlyq damý, ınnovasııalar jáne aeroǵarysh ónerkásibi mınıstrligi ákimdiktermen elimizdiń barlyq óńirlerinde Astana Hub modeli boıynsha tehnologııalyq habtardy ashý jáne qoldaý máselesin pysyqtaýy kerek», dedi Álıhan Smaıylov.
Sonymen qatar Premer-mınıstr Sıfrlyq damý, ınnovasııalar jáne aeroǵarysh ónerkásibi mınıstrligine Qazaqstandy sıfrlyq óńirlik habqa aınaldyrý jónindegi jol kartasyn ázirlep, 1 naýryzǵa deıin qabyldaýdy tapsyrdy. Onda Eýropa men Shyǵys Azııany el aýmaǵy arqyly jalǵaıtyn transshekaralyq talshyqty-optıkalyq magıstraldardy («Kaspıı TOBJ», «Batys-Shyǵys» jáne basqa da jobalar) salý jáne ilespe derekter ortalyqtaryn iske qosý jónindegi qadamdar kórsetilýi tıis.
Qorytyndylaı kele, Álıhan Smaıylov Smart Data Ukimet platformasynda memlekettik organdardyń barlyq aqparattyq júıelerin ortalyqtandyrýdyń, proaktıvti memlekettik qyzmetter tizbesin odan ári keńeıtýdiń, ulttyq aqparattyq qaýipsizdikti qamtamasyz etý boıynsha keshendi sharalar qabyldaýdyń, sondaı-aq ǵaryshtyq tehnologııalardy ekonomıkaǵa ıntegrasııalaýdyń mańyzdy ekenin atap ótti.
«Memleket basshysy 2029 jylǵa qaraı sıfrlyq tehnologııalardyń ekonomıkadaǵy úlesin eki eseden astam ulǵaıtýdy tapsyrdy. Osyǵan baılanysty salalyq tujyrymdamalarda jáne memlekettik organdardyń damý josparlarynda barlyq qajetti is-sharalar kórinis tabýy kerek. Sıfrlyq damý, ınnovasııalar jáne aeroǵarysh ónerkásibi mınıstrligi «sıfrlyq» vıse-mınıstrlerdiń qyzmetin úılestirýdi kúsheıtýi tıis», dep túıindedi ol.
