BAÁ elshisimen kezdesti

Sársenbi kúni “Nur Otan” halyqtyq-demokratııalyq partııasy Tóraǵasynyń birinshi orynbasary Nurlan Nyǵmatýlın Birikken Arab Ámirlikteriniń Qazaqstan Respýblıkasyndaǵy Tótenshe jáne ókiletti elshisi Ibrahım Hasan Seıfpen kezdesti. BAÁ elshisi Almatyda EQYU-ǵa qatysýshy elder syrtqy ister mı­nıstrleriniń beıresmı kezdesýinde Uıymnyń Sammıtin 2010 jyldyń sońynda Astana qalasynda ótkizý týraly sheshimniń mańyzdylyǵyna toqtaldy. Osy turǵyda ol bul she­shimniń qabyldanýy Qazaqstan Pre­zıdenti Nursultan Nazar­baev­tyń ǵalamdyq bastamalary men ha­lyqaralyq joǵary bedeliniń ná­tı­jesi ekendigin erekshe atap ótti. So­nymen qatar, elshi Ortalyq Azııa­da­ǵy saıası turaqtylyqty qamta­ma­syz etýde Qazaqstan róliniń mańyz­dy ekendigine toqtaldy. Al Nurlan Nyǵmatýlın Ult kóshbasshysy, partııa Tóraǵasynyń halyqaralyq bedeli Qazaqstannyń EQYU-ǵa tóraǵalyǵy týraly she­shim­niń qabyldanýyna jáne osy Uıymǵa qatysýshy elderdiń Sam­mıt­ti Astana qalasynda ótkizý tý­ra­ly kelise otyryp sheshim qabyl­danýyna yqpal etkenin atady. Kezdesý barysynda taraptar yn­ty­maqtastyqtyń birqatar perspek­tı­va­ly baǵyttary týraly sóz qozǵap, pikir almasty, Qazaqstan men BAÁ arasyndaǵy áriptestik ári qaraı damıtyndyǵyna senim bildirildi. Nurlan Nyǵmatýlın meımandy qa­sıetti Ramazan aıynyń bastalýy­men de quttyqtady.