Búkil el bolyp qýanyp jatyrmyz

Elimizdiń saıası ómirindegi soń­ǵy bir-eki jyldaǵy ońdy ózgeris­ter­ge álem jurtshylyǵy kóz tigip otyr. Mine, jyl basynan Eýropa tórindegi bedeldi uıymǵa tórelik etip kelemiz. Al qarýsyzdaný jó­nin­degi ıgi bastamalarymyz Birik­ken Ulttar Uıymy men álemniń alpaýyt memleketteri tarapynan qyzý qoldaý tabýda. Sonyń bir aıǵaǵyndaı, bıylǵy kóktemde AQSh-ta ótken alqaly jıynda bizdiń elge, Elbasymyzǵa aıryqsha qurmet kórsetilgeni esimizde. Endi, mine aldaǵy jeltoqsan aıy­nyń alǵashqy kúnderi Astanada EQYU-nyń sammıti ótkizilmek. Soǵan oraı Elbasy málimdemesinde aıtylǵandaı, Azııa jáne TMD mem­leketteri arasynda tuńǵysh ret be­del­di uıymnyń Sammıtin ótkizý Qa­zaq eliniń tórtkúl dúnıege tóre­lik ete bastaǵanyn aıǵaqtasa kerek. Onyń ústine Uıymnyń sońǵy on­shaqty jyldan beri mundaı alqaly jıyny ótpegen eken. Al muny qa­laısha Elbasymyzdyń dúnıejúzilik qoǵamdastyq aldyndaǵy bedeliniń arqasy demessiń. “Kórmes – túıeni de kórmes” deıdi halqymyz. Qaısybireýlerdiń sony da kózge ilmeı, osyndaı jıyn­dardyń qajeti qansha deıtini ókinishti-aq. Osyndaıda ondaı­lar­dyń jadynyń nasharlyǵyna eriksiz kúlesiń. Bolmasa keshegi Keńes zamanynda BUU-nyń músheligine ilige almaı, Ýkraına, Belorýssııa se­kildi odaqtas respýblıkalarǵa qy­zyǵa da, qyzǵana da qaraǵa­ny­myz­dy nege umytamyz? Ony aıta­syz, óz aldyna táýelsiz memleket bolǵanǵa  deıin Semeı atom polı­gonynyń astanasy atanyp kelgen Kýrchatov qalasynyń bosaǵasynan attaýǵa dármenimiz jetpegeni ótirik pe edi? Sondyqtan endi kelip basqa qona bastaǵan baqty keıin tep­peıik, aǵaıyn. Bir sát oılanyp kó­relikshi. Búkil Azııada, TMD elderi boıynsha sońǵy 20 jylǵa jýyq ýaqyt ishinde osyndaı bedelge ıe bolyp otyrǵan el bar ma? Egemen elimizdiń Tuńǵysh Prezıdenti eń aldymen ekonomıkamyzdy bir jaıly eteıik dedi. Al ol sheshimniń durystyǵyn ýaqyt kórsetti. Munan keıingi jerde álemdik saıası are­nada da bedelimiz kúrt joǵarylaı bastady emes pe! El ómirindegi osyndaı sony ja­ńalyqtarǵa búkil el bolyp qýanyp jatqanyn kózimiz kórip otyr. Tóraǵasy Nursultan Nazarbaev bolyp tabylatyn “Nur Otan” halyqtyq-demokratııalyq partııasy músheleriniń qýanyshy tipten de erekshe. Álgindeı árbir jańalyqtan soń, partııamyzdyń bedeli odan saıyn arta túsip keledi. Soǵan oraı, partııamyzdyń qataryna ótýge tilek bildirýshiler de kóp. Qalalyq fılıaldyń búgingi tańdaǵy basty mindetteriniń biri – sondaı ıgi sharalardy halyq ara­synda keńinen nasıhattaý bolyp ta­bylady. Osy maqsatpen jumy­symyzdy bastap ta kettik. Qazirgi jumys túsindirý, nasıhattaý tur­ǵy­synda júrip jatsa, al odan keıingi jerde josparly túrde jumys is­teı­tin bolamyz. Bir sózben aıtqan­da, partııa ómirindegi qyzý shara­lar­dan tys qalýǵa qaqymyz joq. Zýlfııa JAMALETDINOVA, “Nur Otan” halyqtyq-demokratııalyq partııasy Semeı qalalyq bólimshesi tóraǵasynyń orynbasary. SEMEI.