Aımaqtyq ókilmen kezdesti

Qazaqstan Respýblıkasynyń О́zbekstandaǵy Tótenshe jáne ókiletti elshisi Bóribaı Jeksembın BUU Esirtki jáne qylmys jónindegi basqarmasynyń Ortalyq Azııadaǵy aımaqtyq ókili Masýd Karımıpýrmen kezdesti, dep habarlady SIM-niń baspasóz qyzmeti. Kezdesý barysynda B.Jeksembın áńgimelesýshi tarapty Ortalyq Azııadaǵy prekýrsorlardy qadaǵalaý, Ortalyq Azııadaǵy sot-medısına zerthanalaryna keńestik kómek kórsetý, Qazaqstannyń jekelegen baqylaý-ótkizý pýnktterinde esirtki men qylmystyń aldyn alý salasyndaǵy baqylaýdyń múmkindikterin jetildirý sekildi Qazaqstannyń BUU Esirtki jáne qylmys jónindegi basqarmasymen yntymaqtastyq aıasynda júzege asyrylyp jatqan jobalardan habardar etti. M.Karımıpýr óz kezeginde BUU aımaqtyq qurylymynyń qyzmetine Qazaqstannyń belsendi qatysqany úshin alǵysyn bildire kelip, negizgi qyzmeti esirt­ki, psıhotropty zattardyń jáne olardyń prekýrsorlarynyń zańsyz aınalymymen kúresýge baǵyttalǵan Ortalyqazııalyq aımaqtyq aqparattyq úılestirý ortalyǵy­nyń mańyz­dylyǵyn atap ótti. “Egemen-aqparat”.