Kómek qolyn sozý – adamdyq aınasy

Batys Qazaqstan oblysyndaǵy asa iri Qarashyǵanaq munaı-gaz kondensaty ken ornynda quramalyq oqytýdyń jumys­tary sátti aıaqtaldy deýge bolady. Atal­mysh oqytý júıesiniń basty mindeti “Qarashyǵanaq Petroleým Opereıtıng” kompanııasyndaǵy apattyq-qutqarý qyzmetiniń óńirlik daıyndyǵy men ózara qarym-qatynas nátıjesinen týyndaǵan aqparattyq jáne habarlandyrý baıla­nysynyń tıimdiligin arttyrý bolyp tabylatyndyǵyn bylaıǵy jurt onymen tanysyp ta úlgergen shyǵar. Elimiz boıynsha qaýipsizdik sharalary joǵary deńgeıde qadaǵalatatyn minsiz jobanyń biri osy Qarashyǵanaq ekendigin eskersek, qorshaǵan ortany qorǵaý máselesi jaǵynan da Qarashyǵanaq tabı­ǵatty qorǵaý ınfraqurylymyna erek­she nazar aýdaryp kelgeni asyra silteý­di qajet etpeıtin aqıqat. Sol sebepti de Qarashyǵanaq jáne oǵan qarasty kompanııanyń quzyretti bólimshelerinde tótenshe jaǵdaılardy boldyrmaýǵa arnalǵan, sonymen qatar kez kelgen jaǵ­daıdaǵy daıyndyq sharalaryn praktıka­lyq turǵydan qamtamasyz etetin oqytý jumystary turaqty ótkizilip otyrady. Qolǵa alynǵan mundaı jumystar memlekettik qurylymdar arasyndaǵy qarym-qatynasty ilgeriletýge óz sepigin tıgizbeı qoımaıdy. Tótenshe jaǵdaılardy boldyrmaý baǵytyna arnalǵan birlesken basqarý men baqylaý is-sharalaryn tájirıbelik turǵydan júrgizý, QPO-daǵy apattyq-qutqarý qyzmetiniń daıyndyǵyn tekserý, aqparattyq jáne habarlandyrý baıla­nysynyń tıimdiligin arttyrý syndy nátıjeli jumystar búgingi kúnge deıin ózgelerge úlgi bolyp otyr. Apattyq-qutqarý qyzmeti belgili bir tártippen óz mindetterin jedel túrde atqaryp keledi. QPO kompanııasynyń jedel-qutqarý basqarmasynyń jetekshisi Aleksandr Ohrımenko birinshi kezeńdegi nátıjege súıenip: “Oqytý nátıjesi kórsetkendeı, QPO kompanııasy jáne onyń apattyq-qutqarý qyzmetiniń oryndaǵan jumystary óte oryndy. QPO-nyń apattyq-qutqarý qyzmeti kez kelgen tótenshe jaǵdaıǵa daıyn”, – dep baǵasyn bergen bolatyn. Tótenshe jaǵdaılardy boldyrmaýǵa arnalǵan operasııanyń jetistigi QPO kompanııasynyń qutqarý jáne apattyq qyzmetiniń qımyl birligine táýeldi edi. 2010 jylǵy qurama oqytý nátıjesi kórsetkendeı Qarashyǵanaq ken ornyn paıdalanýdaǵy qaýipsizdik is-sharalaryn júzege asyratyn mol tájirıbesi men múmkindigi joǵary ekendigin kórsetedi. Oqý jumystaryna qatysýshylardyń arasynda Reseıdiń Tótenshe jaǵdaılar mınıstrligi­niń qyzmetkerleri de kezdesti. Olar atal­mysh kompanııanyń qyzmetker­ler quramy men tehnıkalyq qurylǵy­lary, tótenshe jaǵdaılar bólimshesi men Batys Qazaqsan oblysynyń IID jáne basqa da mamandan­dyrylǵan uıymdar bul aımaqtaǵy tabıǵı resýrstardy naqty qadaǵalaýǵa jan-jaqty kirisýge tolyq múmkindikteriniń bar ekendigine kózderi jetti. Batysqazaq­standyq áriptesteriniń utqyrlyǵy men beıimdiligin reseılik qut­qarý­shylar joǵary baǵalady. “Qutqarý­shylar men órt sóndirýshilerdiń sheber­lik­teri jáne barlyq tehnıkalyq jabdyq­taryńyz bizge jaqsy áser etti. Apattyq-qutqarý brıgadasy tikeleı taǵaıyndalǵan tapsyrmalardy oryndaýǵa qabiletti ekendikterin kórsetti”, – degen jyly pikirin Reseıdiń Orynbor oblysyndaǵy tótenshe jaǵdaı-jedel qutqarý bas basqarmasynyń bastyǵy Maksım Rdıýkov bildirdi. Mundaı alty kezeńnen turatyn qura­ma oqytý jumystary ár úsh jyl saıyn bolyp turatyndyǵy belgili. Sony­men qatar, mundaı oqytý jumystarynyń aıasynda árbir qyzmet orny aıyna bir­neshe ret jattyǵý ótkizip turady. “Oqytý­dyń nátıjesi boıynsha naqty saraptama júrgizemiz. Munyń basty sebebi, ken ornynyń qaýipsizdikti qamtamasyz etý deńgeıi qandaı dárejede ekendigin anyqtaıdy”, – deıdi Batys Qazaqstan ob­­lys­tyq tótenshe jaǵdaılar departa­mentiniń bastyǵy Qadyr Bısembaev. “О́rt sóndirýshi” dep atalatyn maman­dandyrylǵan ortalyqta 2 myńǵa jýyq arnaıy kásibı qutqarýshy daıyndalady. Mundaı oqý-jattyǵý jumystary barlyq oqytý ortalyqtary men bólimshelerinde jaýapty emtıhan túrinde ótkiziledi. Talaptanǵan mamandar óz aldaryna da mańyzdy mindetter qoıa biledi. Astana­daǵy azamattyq qorǵanys jónindegi mamandan­dyrylǵan oqý ortalyǵynyń bas dırek­tory Manarbek Baıjumanovtyń: “Budan bylaı daıyndyǵymyzdy álde­qaı­da jo­ǵar­ǵy sapalyq deńgeıge kóterýi­miz kerek. Bul degenimiz oqý ortalyq­tary­nyń oqytý baǵdarlamalaryn buryn­ǵysynan da jaqsartýǵa, nyǵaıta túsýge jol ashady”, – dep aıtqan pikirinen de bul baǵyttaǵy jumystar óz nátıjelerin joǵary deń­geıge kótere alatynyna senimdimiz. Eli­miz­diń basqa da óńirlerine kómek qolyn usynyp, der kezinde járdemdese alatyn­dyqtary da júrekke jylýlyq uıalatady. О́ıtkeni kómek qolyn usyný – úlken adam­dyq pen adamgershiliktiń asqar shyńy. Araı ÚIRENIShBEKQYZY.