Bala – baqytymyz

Jýyrda “Birligimiz jarasqan” ak­sııasy aıasynda Kentaý qalasyndaǵy “Qamqor” balabaqshasynda jetim balalar men jaǵdaıy tómen otbasylardan shyqqan balalarǵa arnalǵan meıirimdilik aksııasy bolyp ótti. Bul ıgi iske óndiris oryndarynyń, memlekettik mekemelerdiń basshylary men qyzmetkerleri jáne jeke kásipkerler qatysty. Qala ákiminiń orynbasary M.Qo­ny­sovtyń atap ótýinshe, Konstıtýsııada kórsetilgendeı, balalar – elimizdiń tiregi, bolashaǵy. Elimizdegi halyqtyń 30 paıy­zyn balalar quraıdy. Olardy deni saý, meıirimdi, bilimdi, óz eliniń naǵyz azamaty etip tárbıeleýimiz kerek. Qala ákimi Nur­jigit Qalmurzaev óz atynan qaıy­rym­dy­lyq aksııasyna 30 myń teńge qosty. О́zge de qatysýshylar múmkin­diginshe balabaq­shaǵa qarjylaı jáne zattaı demeýshilik jasady. Nátıjesinde, 105 myń teńge jınaldy, sondaı-aq 52 myń teńgeniń oı­yn­shyqtary men zattary syıǵa tartyldy. Túsken qarjyǵa jetim jáne jaǵdaıy tómen otbasylardan shyqqan balalarǵa kıim-keshek pen oı­ynshyqtar alynatyn bolady. Aksııa sońy balabaqshanyń jas jetkinshekteri daı­yn­daǵan konserttik baǵdarlamamen jalǵasyn tapty. Qaırat QÝANYShBEKULY. Ońtústik Qazaqstan oblysy.