Jańa...

...amerıkalyq teplovozdar ákelindi Alys pen jaqyndy jalǵaı­tyn temir joldyń ıgiligin je­ti­sýlyqtar tıimdi paıdalanyp ke­le­di. Mysaly, Túrksib temir jol magıs­tra­lindegi iri stansa – Úshtóbe aınalma lokomotıv de­posyn­da­ǵy júk jáne jolaý­shy tasy­ma­ly­nyń sapasy arta tústi. Oǵan depodaǵy eski loko­mo­tıvterdiń kúshi 5000 attyq jańa “TE 33A” teplovoz­dary­men tolyqtyrylýy septigin tı­gizdi. Olarda mashı­nıs­terge qo­laıly  aýa almas­tyr­ǵysh, elek­trli pesh, kez kel­gen aqaýdy je­del anyqtaıtyn, qoz­ǵalys qaýip­sizdigin qadaǵa­laı­tyn kom­pıýterlik júıe ornatylǵan. Búginde ujymdaǵy arnaıy daıyndyqtan ótken  15 loko­mo­tıv brıgadasy jańa teplovoz­dar­dy sapqa qosyp, júk jáne jolaýshy tasymalyndaǵy qa­jet­tilikti óteýde. Kúmisjan BAIJAN, Almaty oblysy. ...mektep-gımnazııanyń irgetasy qalandy Jaqynda Shyǵys Qazaqstan oblysynyń ákimi Berdibek Sa­parbaev Kúrshim jáne Zaısan aýdandarynyń onǵa tarta eldi me­kenderinde  bolyp turǵyn­dar­men kezdesti. Kúrshimde óńir basshysy 600 oqýshyǵa arnalǵan mektep-gımnazııanyń irgetasyn quıý rásimine jáne osyndaǵy balyq zaýytynyń ashylýyna qatysty. Bıylǵy kóktemdegi sý tasqynynan zardap shekken Qa­ratoǵaı aýylynda bes páterdiń kiltin tapsyrdy. Qazir munda 15 úıdiń irgetasy qalanyp, segizi­niń qabyrǵasy turǵyzyldy. Al Zaısan aýdanynyń Tas­bas­taý aýylynda da toǵyz ot­basy jańa úılerdiń kiltin ob­lys ákimi B.Saparbaevtyń qo­lynan aldy. 20 qyrkúıekke deıin taǵy 25 otbasy jańa úı­lerge qonystanbaq. Eki aýdan­nyń ákimderi Altaıbek Seıitov pen Serik Zaınýldın qońyr kúzge deıin zardap shekkenderdiń barlyǵyn turǵyn úımen qamtamasyz etýge ýáde berdi. Ońdasyn ELÝBAI, Shyǵys Qazaqstan oblysy. ...tis emdeıtin emhana ashyldy Oblys ortalyǵyndaǵy tiz­bek­ti jańa úıler shoǵyryn qu­raıtyn jańa shaǵyn aýdanda tur­ǵyndar sany jyl saıyn kó­beıip keledi. Ertis ózeni jaǵa­laýyna ornalasqan qalanyń osy shetkeri aýmaǵy  qazir múlde ózgergen. Jarqyraǵan jańa tur­ǵyn úıler, jańa mektep, bala­baq­sha, saýda úıleri salyndy. Jýyrda ǵana tis emdeıtin bala­lar stomatologııalyq emhanasy ashyldy. Emhana ánshi Maıra atyndaǵy kóshedegi  №47 turǵyn úıdiń birinshi qabatynan oryn aldy.  Bul densaýlyq saqtaý salasy boıynsha osy aýdanda  boı kótergen ekinshi mekeme, shilde aıynda ortalyq emhana paıdalanýǵa berilgen bolatyn. Oblystyq densaýlyq saqtaý basqarmasynyń bastyǵy Ardaq Kúzekovtyń aıtýynsha, jalpy oblys ortalyǵynda bul kúnderi 50-den asa jeke menshik emhana qyzmet kórsetedi. Emhana qury­ly­syna qalalyq bıýdjetten 76 mıllıon teńge bólingen. Emhana kúnine 150-ge jýyq balany qa­byldaı alady. Ol  Brazılııada jasalǵan jańa zamanǵy qural-jabdyqtarmen qamtylǵan. Farıda BYQAI, Pavlodar.