Ormandy qasaqana órteýshiler bar

Keshe Premer-Mınıstrdiń birinshi orynbasary О́mirzaq Shókeevtiń tóraǵalyǵymen Úkimette selektorlyq keńes bolyp ótti. Onda elimizdiń óńirlerinde órtke qarsy kúres sharalary jáne bıylǵy keıbir óńirlerdegi qurǵaqshylyq jaǵdaıyna baılanysty nan baǵasyn turaqtandyrý máseleleri qaraldy. Kún tártibindegi birinshi másele boıynsha baıandama jasaǵan Aýyl sharýashylyǵy mınıstrliginiń Orman jáne ań sharýashylyǵy komıtetiniń tóraǵasy Erlan Nysanbaevtyń aıtýynsha, sońǵy aptada elimizde 26 orman jáne 56 dala órti oryn alǵan. Osy máselege arnalǵan ótken selektorlyq keńesten keıin barlyq oblys ákimdikterinde órtke qarsy kúres shtabtary qurylǵan. Jer-jerlerde orman alqaptary men órt qaýpi bar dalalyq aımaqtardy jan-jaqty baqylaý jáne tekserý jumystary qolǵa alynǵan. Respýblıkalyq shtabtyń tikeleı bastamasymen barlyq óńirlerdegi orman sharýa­shy­lyqtarynyń órtke qarsy daıyn­dyǵy tekserilip, qolda bar teh­nıkalardyń esebi jasaldy. Elimizdiń barlyq óńirlerinde órt apatynyń aldyn alýǵa baılanysty jan-jaqty sharalar júzege asy­rylýda. Solaı bola tursa da, órt oqı­ǵalaryn múlde boldyrmaýdyń oraıy kelmeı  tur. Tipti orman alqap­taryn qasaqana órteý oqıǵa­lary da oryn alýda. Máselen, 10 tamyz kúni “Ertis ormany” orman sharýashylyǵynyń aımaǵynda 5 ret qasaqana órt qoıý oqıǵasy tir­kelgen. Apat kesirinen ońaı paıda túsirgisi kelgen qaskóı orman alqa­bynyń ár jerine ot qoıyp júrgen jerinde kózge tústi. Aýyl sharýashylyǵy mınıstr­liginiń jaýapty hatshysy Evgenıı Amannyń málimdeýinshe, bıylǵy jylǵy aýa raıynyń jaǵdaıyna baılanysty eginniń pisýi ádettegi­den 10-15 kún buryn boldy. Soǵan baılanysty elimizde egin oraǵy erte bastalǵan. Qazirgi ahýal boı­yn­sha, elimizdiń negizgi astyqty aı­maqtarynda qýanshylyqqa qaramas­tan birshama táýir astyq jınalýda. Osyǵan baılanysty elimizdiń ishki qajettigin tolyq qamtamasyz etýge jáne eksporttyq áleýetin saqtaýǵa jetetin astyq jınalady. Endeshe, barlyq óńirlerde nan baǵasynyń qymbattaýyna eshbir negiz joq. Qazir memlekettik qorda 1 mıllıon tonnadan artyq astyq saqtalǵan. Azyq-túlik kelisim-shart korporasııa­sy taǵy da 2 mıllıon tonna astyq satyp alý jóninde shart jasasty. Elimizdiń ishki qajetin óteý úshin barlyǵy 3 mıllıon 400 myń tonna astyq qajet. Qurǵaqshylyqqa ushy­raǵan batys óńirlerdiń ákimdikteri astyqty aımaqtyń ókilderimen memorandým jasasyp, ózderine qajetti un qoryn jasaýǵa tıis. Taǵy bir aıta ketetin másele, búgingi ishki rynoktaǵy nan baǵasy, astyq jáne un baǵasy qazirgiden 2-3 ese joǵary bolyp turǵan 2008 jyly belgilengen baǵa bolatyn. Odan keıingi kezeńde astyq jáne un baǵasy arzandasa da, nan baǵasy sol deńgeıde qaldy. Iаǵnı nan zaý­yttary men naýbaıhanalar ondaǵan ese paıdamen jumys istep keldi. Memleket qoryndaǵy belgilengen baǵamen bosatylatyn un qory nan baǵasynyń aldaǵy ýaqytta da eshbir ózgeriske ushyramaýyna tolyq múmkindik beredi. Selektorlyq keńesti qorytyn­dy­laı kelip, О́mirzaq Shókeev óńir­lerdegi órt qaýpiniń aldyn alýǵa osy mindet júktelgen ákimniń oryn­basarlary tikeleı jaýapty ekendigin atap kórsetti. Sonymen birge ol tıisti ortalyq organdar  men oblys ákimdikteriniń ishki rynoktaǵy un jáne nan baǵasyn turaqtandyrý úshin qoldan kelgen­niń bárin jasaýǵa mindetti ekendigin qatań eskertti. Jylqybaı JAǴYPARULY.