Qyrǵyzstanǵa kómek kórsetilýde

Týystyq týy Keshe Úkimet basshysy Kárim Másimovtiń tóraǵalyǵymen Qazaqstannyń kórshiles Qyrǵyzstan elinde qalyptasyp otyrǵan daǵdarysty jaǵdaıdan shyǵýyna kómek berý máselesi qaraldy. Oǵan Qyrǵyzstannyń qarjy mınıstri bastaǵan osy eldiń delegasııasy da qatysty. Atalǵan másele boıynsha ha­bar­lama jasaǵan Tótenshe jaǵdaılar mınıstri Vladımır Bojko Qa­zaqstannan qyrǵyz eline kórsetilip jatqan kómekter jaıynda aıtyp berdi. Osy ýaqytqa deıin bul elge 184 tonna metall shıferlar, 128 tonna jarma men qaraqumyq ónim­deri, 1000 tonnadan astam kúrish ónimderi, 28 vagon taqtaı jáne aǵash materıaldary, basqa da tur­mysqa qajetti zattar ázirlenip jiberilý ústinde ekendigin jetkizdi. Qazirgi kúni Qyrǵyzstan úshin mańyzdy bolyp otyrǵan máse­le­lerdiń biri el ekonomıkasynyń turaqtylyǵyna qol jetkizý bolyp otyr. Osy baǵytta EýrAzEQ uıy­myna qatysýshy memlekettermen birge, ásirese Reseı men Qazaq­stan­nyń belsene qatysýymen osy uıym­nyń bankinen 290 mıllıon dollar qarajat bólý kózdelgen. Qyrǵyzdarǵa kómek eki jolmen kórsetilýde. Onyń birinshisi eko­no­mıkany túzeý úshin nesıe qarjy­la­ryn berý, ekinshisi gýmanıtarlyq kómekter jasaý. Osy eki máselege de Qazaqstan  jaǵy belsene qatysýda. Qyrǵyzstan jaǵynan sóz alǵan osy eldiń Qarjy mınıstri О́serbek Imashev qıyn shaqta alǵashqy bo­lyp kómek qolyn sozǵan Qazaqstan eline, onyń Memleket basshysy Nursultan Nazarbaev pen el Úki­metine Qyrǵyzstan halqynyń aty­nan úlken rızashylyǵyn jetkizdi. Qazirgi qalyptasqan jaǵdaıdy, daǵ­darystan shyǵý joldaryn belgile­gen jospardyń jasalǵandyǵyn, ol josparda belgilengen sharalardy áńgimelep berdi. Bul jospar qazaq­standyq sarapshylardyń qaty­sýymen ázirlengen eken. Qyrǵyzstanǵa kórsetiletin kó­mek túrlerin aıqyndap, ony qam­tamasyz etý úshin Úkimet basshy­sy­nyń birinshi orynbasary О́mirzaq Shókeev jetekshilik etetin arnaıy komıssııa qurylǵandyǵy belgili. Bul komıssııa atalǵan elde bolyp, qajetti kómek kólemi men túrlerin osy eldiń basshylyǵymen birlese oty­ryp aıqyndaǵan bolatyn. Mun­daǵy qamtylǵan máseleler Qyr­ǵyz­stannyń daǵdaryspen kúres jos­paryna engizilgen. Otyrys barysynda Qyrǵyz­stan­nan kelgen delegasııa músheleri  eldiń muqtaj bolyp otyrǵan má­se­lelerin ortaǵa saldy. Sonyń ishin­de Bishkekte donorlyq halyq­ara­lyq konferensııa ótkizý isine Qazaqstan jaǵy belsene qatysatyn boldy. Osy máseleni halyqaralyq deńgeıde uıymdastyrý isin bizdiń jaq qolǵa almaq. Endi birqatar máseleler Qa­zaq­stan men Qyrǵyzstan arasyndaǵy keden beketterinen adamdar men taýarlardy ótkizý máselesine qa­tysty eken. Qazaqstannyń Keden odaǵyna qosylýyna baılanysty bul máseleler qazirgi kezde Qazaq­stan, Reseı, Belarýs memleketteri birigip qurǵan Keden komıs­sııasynyń quzyretinde. Osy jaǵdaı Qyrǵyzstan delegasııasynyń múshelerine eskertildi. Degenmen máseleni alǵa jyljytý atalǵan komıssııanyń Qazaqstan jaǵynan múshesi bolyp tabylatyn Premer-Mınıstrdiń birinshi orynbasary О́mirzaq Shókeevke júkteldi. Otyrysty qorytyndylaǵan Úki­met basshysy Kárim Másimov qazir­gideı aýyr haldi bastan ótkerip otyr­ǵan baýyrlas elge qol ushyn sozyp, kómek kórsetý Elbasynyń tap­syrmasy bolyp tabylatyn­dy­ǵyn, sondyqtan munda aıtylǵan ár­bir másele Qazaqstan Úkimetiniń tara­py­nan muqııat qaralatyndyǵyn jetkizdi. Suńǵat ÁLIPBAI.