Jarasymdy jarys

Jyl saıyn elimizde Sport kúni tamyzdyń úshinshi jeksenbisinde atalyp ótiletini belgili. Bıylǵy jyly ol 15 tamyz kúnine sáıkes kelip, Astana men elimizdiń ózge de óńirlerinde Týrızm jáne sport mınıstrligi men jergilikti bılik oryndarynyń uıytqy bolýymen dástúrli túrde keń aýqymda atalyp ótti. Al Astanadaǵy buqaraǵa ar­nal­ǵan jarystar atalǵan mınıstrlik pen qalalyq ákimdiktiń uıymdas­tyrýymen 14 tamyz kúni bastaldy. Osy kúni negizgi buqaralyq sha­ralar astanalyq saıabaqta ótti. Sol kúni qalalyq saıabaq úlken sport­tyq alań­ǵa aınaldy dese de bo­la­dy. Mun­da astanalyqtar men qala qo­naq­tary ulttyq oıyndarǵa, so­nyń ishinde asyq atý, toǵyzqu­ma­laq, tymaq urý, buqa tartys, arqan tartys, aýdaryspaq, sonymen birge strıtbol men shaǵyn fýtbol, ny­sa­na atý, shahmat, doıby, gir kó­terý, qol kúresi men “Kóńildi só­relerge” qatysty. Sondaı-aq, osy kúni sport­súıer qaýym úshin As­tana qala­synyń sport mektepteri shá­kirt­teriniń kórsetken qoıy­lymdary usynyldy. Onda úzdik jas kara­te­shiler, ba­lýandar, gım­nasshylar, veloshaban­dozdar men basqa da sport­shylar óz ónerlerin ortaǵa sal­dy. Qolda bar derekterge qara­ǵanda, Astanada senbi kúni bolǵan jarystarǵa 3 myńǵa jýyq adam qatysypty. Kelesi kúni merekelik sharalar Qajymuqan atyndaǵy stadıonda buqaralyq aqparat ókilderiniń qatysýymen atalyp ótti. Týrızm jáne sport mınıstrligi men qala­lyq týrızm, dene tárbıesi jáne sport basqarmasynyń uıymdasty­rýymen ótken “BAQ salamatty Qa­zaqstandy qoldaıdy!” is-sha­ralarynyń baǵdarlamasyna shaǵyn fýtbol, “Kóńildi jarystar” jáne basqa da jarys túrleri qamtyldy. Onyń ashylý saltanatynda mınıs­trliktiń Sport isteri jónindegi ko­mıteti tóraǵasynyń orynbasary Á.Donbaı, BAQ ókilderi atynan “Qazaqstan” ulttyq telearnasy­nyń sport komentatory D.Ahmet­shárip sóz sóılep, jýrnalısterdi merekesimen quttyqtady. Osydan keıin jarystar bastalyp, shaǵyn fýtboldan birinshi bolyp jasyl alańǵa “Egemen Qazaqstan” gazeti men “VII Qysqy Azııa oıyndaryn uı­ymdastyrý komıtetiniń atqa­rý­shy dıreksııasy” AQ komandalary shyqty. Bul oıyn jarystaǵy eń qyzyqty da tartysty ótken kez­desýlerdiń biri boldy. Qarsylas­tar qaqpasyna eki ádemi dop soq­qan “egemendikter” sport ma­mandary qyzmet etetin komanda­men ıyq teńestirip básekelesti. Al bas­qa oıyndarda Týrızm jáne sport mınıstrliginiń, “Nur As­ta­na”, “Astana aqshamy”, “Kazah­stan­skaıa pravda” gazetteriniń, “QazAqparat” agenttiginiń, “Qazaq radıosynyń” komandalaryn bas­tap kelgen áriptesterimiz laıyqty óner kórsetti. Shaǵyn fýtbol bá­sekesine 16 komanda qatysty. Mun­da jarys olımpııalyq júıe boı­ynsha ótti. Sóıtip, 1/8 fı­nal­dan bastap qarsylastarynyń bárin utqan Týrızm jáne sport mı­nıstr­ligi men “VII Qysqy Azııa oı­yndaryn uıymdastyrý komıte­tiniń atqarýshy dıreksııasy” AQ fınalda kezdesip, sońǵysy 1:0 esebimen jeńiske jetti. Al úshinshi oryn Astana qalasy Týrızm, dene tárbıesi jáne sport basqarmasyn 2:0 esebimen utqan atalmysh dı­reksııanyń eriktiler komandasyna buıyrdy. Osy kúni Qajymuqan stadıonynda ótken “Ákem, sheshem jáne men”, “Qapqa aıaqtaryn sa­lyp júgirý” men basqa da jarys­tarda “Qazaqstan” ulttyq telear­na­sy, qalalyq Týrızm, dene tár­bıesi jáne sport basqarmasy, “Qa­zaq radıosy” men “QazAq­parat” UK” AQ komandalary jaqsy qyrynan kórindi. Al toǵyz qumalaq jarysynda “QazAqparat” komandasy birinshi, “Astana aq­shamy” men “Nur Astana” gazetiniń jýrnalısteri ekinshi jáne úshinshi oryndy bólisti. Osydan keıin “Han shatyr” oı­yn-saýyq saýda ortalyǵynyń al­dynda 2400 metr qashyqtyqtan tu­ratyn “Prezıdenttik shaqyrym­ǵa” buqaralyq júgirýden jarys ót­ti. Sonyń qorytyndysynda áıel­der arasynda Kámıla Barannık, Jaqsygúl Musylman, Nurgúl Súleımenova, Ardana Kıshlıarova, Svetlana Imanǵojına, Shynar Rahat, erler arasynda Qudaıber­gen Zeınollaev, Aleksandr She­ko­tıhın, Nıkıta Devıatko, Arystan Ámirbekov, Aıdyn Saparhan men Arlan Dosymbetov jeńimpaz atansa, “Prezıdenttik shaqyrym­nyń” eń jas qatysýshysy bolyp alty jasar Danııar Asylbek atandy. Al eń eresek qatysýshy ataǵyna Eńbek jáne halyqty áleý­mettik qorǵaý mınıstrliginiń qy­zmetkeri Ádilbek Qaıyr­ber­ge­nov ıe boldy. Jalpy, osy ja­rysqa 2643 adam qatyssa, qalanyń senbi jáne jeksenbi kúnderi bolǵan basqa da sport mektepteri men klýbtarynda ótken syndarǵa 34535 adam qatysyp, tamashalaǵan degen derek bar. Dastan KENJALIN, Sýretterdi túsirgen  Orynbaı BALMURAT.