Qazaqstan úshin asqaq abyroı

Prezıdent poshtasynan Elbasynyń atyna Ońtústik Qazaqstan oblysy jurtshylyǵy atynan bir top aqyn-jazýshy jáne eńbek ardagerleri qol qoıǵan hat keldi, dep habarlady  Qazaqstan Respýblıkasy Prezıdentiniń baspasóz qyzmeti. Oǵan  aqyndar H.Esen­qara­qy­zy, Á.Aımaq, jazýshylar E.Tu­­ry­sov, M.Baıǵut, eńbek ardagerleri N.Ájimetov, S.Ba­raqova, D.Bo­pova, Á.Jaqsybaev, S.Qal­ǵyn­baev, A.Súgirálıev, “Azamattyq Alıans” qoǵamdyq uıymdary qaýymdastyǵynyń tóraıymy K.Álipova, Q.A.Iаsaýı atyndaǵy qazaq-túrik ýnıver­sıteti klını­kasynyń dırektory I.Baıdáý­le­tov, OQPÝ “Otyrar” ınstıtý­ty­nyń professory О́.Ǵubaıdýllın, “Bizdiń januıa” gazetiniń bas re­daktory B.Qo­nysbek, oblystyq ardagerler ke­ńesiniń tóraǵasy J.Máýlen­qu­lov, mektep dırek­tory R.Pak, oblystyq kásip­odaq­tar keńesiniń tóraǵasy D.Sherim­qulov jáne Eńbek Eri B.Shúkir­bekov qol qoıǵan. Avtorlar Qazaqstan Respýb­lı­kasynyń Prezıdenti N.Á. Na­zarbaevtyń 2010 jylǵy 5 tamyz kúngi Qazaqstan halqyna arnaǵan Málimdemesine qoldaý bildiredi. “Joǵary mártebeli Nursul­tan Ábishuly! Ústimizdegi jylǵy 1-2 jeltoqsan kúnderi Eýro­pa­daǵy qaýipsizdik jáne ynty­maq­tastyq uıymyna múshe mem­leketterdiń Sammıtin elordamyz Astana qa­la­synda ótkizý Qa­zaqstan jáne onyń árbir aza­maty úshin asqaq abyroı, asa zor mártebe. Bul – shyn máninde qazaq dalasynda buryn-sońdy bolmaǵan tarıhı oqıǵa, – dep jazady hat ıeleri. – Osynaý ta­rıhı sheshimdi EQYU-ǵa múshe memleketter ókil­deriniń bir­aýyzdan qabyldaýy – táýelsiz memleketimizdiń álem elderiniń aldyndaǵy bedelin jáne Sizdiń halyqaralyq deń­geıdegi saıa­sat­ker ekendigińizdi taǵy da áıgilep otyr. Ejelden yn­tymaq pen birlikti tý etken halqymyzdyń búgingi jetistikteri, tynys-tir­shiligi ózgege ónege bolarlyqtaı. О́zińizdiń eren eńbegińizdiń nátı­jesinde Qazaq­stannyń ustanyp otyrǵan saıa­satyn – jahandyq qaýipsizdikti, ultaralyq, din­aralyq qarym-qatynastardy nyǵaıtýdy, geo­saıa­sı ahýaldy jaq­sartýdy – álem elderi moı­yndap qana qoımaı, Eýropanyń tórinen oryn berdi. Endi Astana Sammıti ótkizilgeli otyr. Bul qazaq jáne jańa Qa­zaqstan tarıhynda altyn árip­termen jazylatyn paraqtarynyń biri ekendigi sózsiz”. Odan ári: “Álemdik qaýym­das­tyqqa Uıymnyń “Helsın­kıden Astanaǵa deıingi” evo­lıýsııasyn pash etýdi josparlap otyrǵan osy mańyzdy sharanyń aıasy keń, maqsaty joǵary. Son­daı-aq eli­mizdiń bul uıymǵa tór­aǵalyǵy eýropalyq qaýipsizdik uǵymyn eýr­atlantıkalyq jáne eýrazııa­lyq qaýipsizdik uǵym­daryna aı­naldyrýǵa kúsh salyp kele jat­qandyǵy qýantady. Jańa myń­jyldyqta búkil qazaq­stan­dyq­tardyń maqtanyshy – ásem As­tanada óteıin dep otyr­ǵan Sam­mıt­tiń elimizdiń bedelin asqaqtata túsetinine, О́zińizdiń basshylyǵy­ńyz­ben osynaý jaýap­kershiligi jo­ǵary iste abyroı bıiginen kó­rinetinine bizdiń senimimiz mol”,  delingen hatta.