Kýbok jolyndaǵy kezekti aıqas

Almatyda Qazaqstan Boks federasııasynyń kýbogy jolynda ótip jatqan jekpe-jekterdiń kezektisi ótti. Bul joly “Ońtústik” dıvı­zı­o­nyna kiretin Jambyl oblysy men Almaty qalasynyń boksshylary qolǵap túıistirdi. Ońtústik óńirdiń boks jankúıerleri kópten beri kút­ken jekpe-jekte jambyldyq ór­ender 18:12 esebimen jeńiske jetti. Almatyda Qajymuqan Munaıt­pas­uly atyndaǵy respýblıkalyq sport kolledjiniń arenasynda ótken aıqastarǵa eki jaqtyń da boks­shy­lary jaqsy daıyndyqpen kel­gen­derin kórsetti. Munyń aldynda Shy­ǵys Qazaqstan men Almaty obly­sy­nyń arasynda bolǵan kezdesýge osy komandalardy bastap kelgen Erlan Mojanov pen Edil Tursynovtyń shákirtterin jaqsy daıyndaǵany sııaqty Bolat Nııazymbetov pen Nurlan Aqúrpekov (Jambyl obly­sy) boksshylaryn Almaty arena­sy­na qaırap shyǵardy. Sonyń nátı­jesinde on salmaqtaǵy syndardyń bári de qyzyqty jáne tartysty, jankúıerlerdiń ishin pystyrmaı, kó­ńilderinen shyǵatyndaı ótti. Mun­da eń jeńil, ıaǵnı 49 kg. salmaqta áýeli Almaty qalasynyń ókili Ánýar Muzafarov jeńiske jetti. Ol tarazdyq Nurlan Ábdiraıymovty 11:6 esebimen utsa, kelesi, 52 kg. salmaqta sharshy alańǵa shyqqan belgili boksshy Oljas Sáttibaev al­matylyq Habıbolla Ismaıl-Ahý­nov­ty ádemi jeńip, komandalar ara­syndaǵy esepti teńestirdi. Bul kez­desýde ol qarsylasyn 5:3 esebimen utyp, onyń rıngte erkin qımyl­daýy­na esh múmkindik bermedi. Osy­dan keıin onyń jerlesteri Muhıt Amantaev (56 kg.) pen Ǵanı Jaılaý­ov (60 kg.) esepti eselep, ózderinen tájirıbesi azdaý boksshylardan ba­sym tústi. Al kelesi, 64 kg. salmaqta almatylyq Batyrjan Júkenbaev qarsylasyn 5:1 esebimen jeńse, odan keıin sharshy alańǵa kóterilgen ta­razdyq boksshylar Maqsat Álimbaev (69 kg.), Hýsan Baımatov (75kg.) pen Aleksandr Moskovskıı (81 kg.) óz salmaqtarynda jeńiske jetti. Osy kúni Almaty qalasynyń atynan synǵa túsken Nurjan Turǵyjınov (91 kg.) pen Rýstem Irgebaev (91 kg. jo­ǵary) sońǵy jekpe-jekterde qar­sylastarynan basym tústi. Mu­n­da Nurjan Vıacheslav Shabranskııdi 1:0 esebimen utsa, Rýstem 4:2 esebimen Ivan Bezvıarhııdi ádemi tize búktirdi. Endi kelesi jekpe-jek 21 tamyz kúni Shymkent qalasynda Ońtústik Qazaqstan men Qyzylorda oblysta­rynyń arasynda ótedi. Osy oraıda Qazaqstan Boks federasııasynyń kýbogy sııaqty aıqastardyń ótkizilýi jastardyń naǵyz tájirıbe alatyn alańy bolsa, tájirıbeli jigitteri­miz­di taǵy bir synap alatyn jarys bo­lyp otyrǵanyn atap ótken jón. Os­yndaı syndarda Boks federasııa­­sy­nyń basshysy Tımýr Qulybaevtyń ulttyq quramaǵa da, jastar qura­masyna da erekshe mán berip, olardyń daıyndyǵy úshin barlyq jaǵdaıdy jasap jatqanyn, al oblystyq federasııalardyń óz jumystaryn tıisti deńgeıde atqaryp otyrǵanyn kórýge bolady. Dastan KENJALIN.