Oralda sambodan Qazaqstan Respýblıkasynyń Prezıdenti Nursultan Nazarbaevtyń júldesi úshin álem kýbogy kezeńi aıaqtaldy. Baıraqty básekege Qazaqstan, Reseı, Belarýs, Grýzııa, Ýkraına, Ázirbaıjan, Tájikstan, Armenııa, О́zbekstan, Qyrǵyzstan memleketterinen kelgen barlyǵy on komanda qatysty.
Jarystyń ashylý saltanatynda sóz sóılegen Batys Qazaqstan oblysynyń ákimi Baqtyqoja Izmuhambetov Oralda sambodan álemdik deńgeıdegi doda osymen úshinshi ret uıymdastyrylyp otyrǵandyǵyn, jalpy qazaq sambosy tarıhynda júzdegen Aq Jaıyq sportshylarynyń esimderi altyn áriptermen jazylǵandyǵyn, solardyń ishinen álem chempıondary Asqar Shaıhıev, Qonys Jetpisov, Erbolat Baıbatyrov esimderiniń el jadyna ábden sińisti bolǵandyǵyn basa aıtty. Oral sambosyn damytýǵa eren eńbek sińirgen Batyr Qýanyshev, Qamesh Ismaǵulov, Músilim Ońdaǵanov, Nurlan Qaýmetov sekildi bapkerlerdiń atyna osy keshte biraz jyly sóz estidik.
Eki kúnge sozylyp, úsh kilemde ótken beldesýler eshqandaı tosyn syı ákele qoıǵan joq. Toǵyz salmaqtyń beseýinde qazaq órenderi bas báıgeni jeńip aldy. Bir áttegen-aıy aýyr salmaqtarda tájikter top jardy. Eń tartysty báseke 57 kılo salmaqta oraldyq balýandar, eki dúrkin álem chempıony Erbolat Baıbatyrov pen Ashat Shaıhıev arasynda órbidi. Bir zalda jattyǵatyn syralǵy qos qarsylas ańdysyp uzaq júrdi. Aqyry beldesý bitýge az qalǵan ýaqytta bir upaı alyp úlgergen álem chempıonynyń mereıi ústem boldy. Ataqty samboshy Asqar Shaıhıevtiń uly Ashat bolsa óziniń bolashaǵy zor ekendigin kórsetti.
Jarystyń jabylý rásimine qatysqan oblys ákiminiń birinshi orynbasary Nurlan Noǵaev týrnırdiń asa joǵary deńgeıde ótkendigin atap ótip, barlyq jeńimpazdar men júldegerlerdi qyzý quttyqtady. “Kúsh atasyn tanymas”, degenmen bul jarysta jeńilgender joq, bárińiz de jeńimpazsyzdar”, dedi Nurlan Asqaruly.
Kereı Qoıshybek, Qazaqstan quramasynyń aǵa jattyqtyrýshysy:
– Búgingi baıraqty báseke aldaǵy álem chempıonaty qarsańynda shama-sharqymyzdy kórsetetin óte jaýapty syn. Dúnıejúzilik doda 7-11 qarashada Tashkentte ótedi. Oral kileminde komandalyq bas báıgemen qatar balýandarymyzdyń babyn baıqadyq. Jetpeı turǵan, olqy túsken tustarymyzdy, taktıkalyq, psıhologııalyq daıarlyǵymyzdy taǵy bir pysyqtap aldyq. Quramadaǵy eki dúrkin álem chempıony Erbolat Baıbatyrov, álem chempıony Dáýren Jaınaqov sekildi tájirıbeli samboshylarǵa sońǵy jyldary qosylǵan jas býynnyń aıaq alysy qýantady. Olardyń esimderi ázirge kópshilikke tanymal emes, alaıda álem chempıonatynda jańa juldyzdar paıda bolaryna senimdimin.
Jalpykomandalyq esepte bas báıgeni Qazaqstan quramasy jeńip alsa, ekinshi orynǵa tájikter, úshinshi orynǵa grýzınder taban tiredi.
Toqtar KENJEǴALIEV, jýrnalıst.
Temir QUSAIYN, Oral.
Jarystyń ashylý saltanatynda sóz sóılegen Batys Qazaqstan oblysynyń ákimi Baqtyqoja Izmuhambetov Oralda sambodan álemdik deńgeıdegi doda osymen úshinshi ret uıymdastyrylyp otyrǵandyǵyn, jalpy qazaq sambosy tarıhynda júzdegen Aq Jaıyq sportshylarynyń esimderi altyn áriptermen jazylǵandyǵyn, solardyń ishinen álem chempıondary Asqar Shaıhıev, Qonys Jetpisov, Erbolat Baıbatyrov esimderiniń el jadyna ábden sińisti bolǵandyǵyn basa aıtty. Oral sambosyn damytýǵa eren eńbek sińirgen Batyr Qýanyshev, Qamesh Ismaǵulov, Músilim Ońdaǵanov, Nurlan Qaýmetov sekildi bapkerlerdiń atyna osy keshte biraz jyly sóz estidik.
Eki kúnge sozylyp, úsh kilemde ótken beldesýler eshqandaı tosyn syı ákele qoıǵan joq. Toǵyz salmaqtyń beseýinde qazaq órenderi bas báıgeni jeńip aldy. Bir áttegen-aıy aýyr salmaqtarda tájikter top jardy. Eń tartysty báseke 57 kılo salmaqta oraldyq balýandar, eki dúrkin álem chempıony Erbolat Baıbatyrov pen Ashat Shaıhıev arasynda órbidi. Bir zalda jattyǵatyn syralǵy qos qarsylas ańdysyp uzaq júrdi. Aqyry beldesý bitýge az qalǵan ýaqytta bir upaı alyp úlgergen álem chempıonynyń mereıi ústem boldy. Ataqty samboshy Asqar Shaıhıevtiń uly Ashat bolsa óziniń bolashaǵy zor ekendigin kórsetti.
Jarystyń jabylý rásimine qatysqan oblys ákiminiń birinshi orynbasary Nurlan Noǵaev týrnırdiń asa joǵary deńgeıde ótkendigin atap ótip, barlyq jeńimpazdar men júldegerlerdi qyzý quttyqtady. “Kúsh atasyn tanymas”, degenmen bul jarysta jeńilgender joq, bárińiz de jeńimpazsyzdar”, dedi Nurlan Asqaruly.
Kereı Qoıshybek, Qazaqstan quramasynyń aǵa jattyqtyrýshysy:
– Búgingi baıraqty báseke aldaǵy álem chempıonaty qarsańynda shama-sharqymyzdy kórsetetin óte jaýapty syn. Dúnıejúzilik doda 7-11 qarashada Tashkentte ótedi. Oral kileminde komandalyq bas báıgemen qatar balýandarymyzdyń babyn baıqadyq. Jetpeı turǵan, olqy túsken tustarymyzdy, taktıkalyq, psıhologııalyq daıarlyǵymyzdy taǵy bir pysyqtap aldyq. Quramadaǵy eki dúrkin álem chempıony Erbolat Baıbatyrov, álem chempıony Dáýren Jaınaqov sekildi tájirıbeli samboshylarǵa sońǵy jyldary qosylǵan jas býynnyń aıaq alysy qýantady. Olardyń esimderi ázirge kópshilikke tanymal emes, alaıda álem chempıonatynda jańa juldyzdar paıda bolaryna senimdimin.
Jalpykomandalyq esepte bas báıgeni Qazaqstan quramasy jeńip alsa, ekinshi orynǵa tájikter, úshinshi orynǵa grýzınder taban tiredi.
Toqtar KENJEǴALIEV, jýrnalıst.
Temir QUSAIYN, Oral.
