El belesinen syr shertedi

Keshe elordadaǵy Ulttyq akademııalyq kitaphanada “Ata Zańym – asyl Zańym, qýatym!” taqyrybynda kitap kórmesi ashyldy. El Konstıtýsııasy kúnine oraılastyrylǵan bul kórmege Astanadaǵy “Shyǵys” balalar jáne jasóspirimder ortalyǵynyń oqýshylary, Respýblıkalyq gvardııanyń áskerıleri shaqyrylǵan eken. “Bıyl Táýelsiz Qazaqstan Kons­tıtýsııasynyń 15 jyldyǵy. Osy kezeń aralyǵynda qazaq je­rinde memlekettilik pen ekonomı­ka­myzdyń berik irgetasy qalandy. Qazaqstandyq patrıotızm men qa­zaq­standyq tepe-teńdik qalyptas­ty­rylyp, ultaralyq kelisimmen, qoǵamdyq turaqtylyqpen qamtama­syz etýdiń ózindik modeli júzege asyryldy. Búginde elimiz jan-jaq­ty ári jedel damý jolyn tańdady. Al elimiz jetken jetistikter men ózgeristerdiń barlyq úderisteriniń bastaýy el  Konstıtýsııasy ekeni aı­qyn”, – dedi kórmege sholý jasaǵan kitaphana qyzmetkeri Al­ma­gúl Ysqaqova. Demokratııalyq qoǵam men qu­qyq­tyq memleket qurýdyń negizi – Konstıtýsııa kúnine arnalǵan kórme birneshe bólimnen turady. Olar “Prezıdent. Parlament. Úki­met”, “Konstıtýsııa – quqyqtar kepili”, “Qazaqstan memlekettili­gi­niń tarıhy”, “Qazaqstan – ja­sampaz jetistikter jolynda” dep atalady. Kórmege Elbasynyń “Ǵasyrlar toǵysynda”, “Tarıh tolqynynda”, “Syndarly on jyl” sekildi kóp­tegen kitaptary men Qazaqstannyń EQYU-ǵa tóraǵalyq etýine qatysty jazylǵan arnaıy eńbekter, sot júıesi men quqyq salalaryna arnal­ǵan kitaptar qoıylǵan eken. “Bul kórmeniń sóresinde túrli taqyrypqa sáıkes 450-ge jýyq kitap pen fotosýretter, basqa da mańyzdy qujattar qoıylǵan. Bu­lardyń barlyǵyn elimizdiń táýel­sizdik tizginin qolǵa alǵan jyl­dardan bergi jetken jetistikteri men baǵyndyrǵan belesteriniń kó­ri­nisi, aıqyn dáleli desek te bola­dy”, deıdi Almagúl Sákenqyzy. Al  Respýblıkalyq ulannyń shuǵyl maqsatty rotasynyń qatar­daǵy jaýyngeri Erlan Ýskenov óz sózinde kórmege qoıylǵan eńbekter men qujattardyń mańyzdylyǵyna toqtalyp, olardyń ár paraǵy tunǵan tarıh ekenin atap ótti. “Bul jerdegi materıaldar Qazaqstannyń ár jyldarda júrip ótken jolynan habar beredi. Bolashaqqa baǵdar jasaýǵa múmkindik alasyń. Sondyqtan, mundaı sharalardyń orny aıryqsha”, – deıdi ulandyq sarbaz. Láıla EDILQYZY.