Úrker aýǵan shaq

Fýtbol birinshiliginde komandalardy eki bólikke bóldi Qazaqstannyń kezekti XVIII chempıonaty tamyzdyń 14-i kúni bir belesten asty. Bul kúni 22-týrdyń oıyndaryn oınaǵan komandalar úshin budan arǵy jol eki bólek tarmaqqa aıyryldy. Birinshiliktegi úrker aýǵan shaqtaı bolyp seziletin osy kezeńnen bastap 12 klýbtyń bir jartysy kún astynan kúmis shýaǵy mol oryn alýǵa umtylyp, medal­dar­dyń túsi men salmaǵy úshin kú­reske kirisse, ekinshi jartysy keler jyldyń qamyn osy kúnnen jasap, chempıonattyń joǵary tobynda qala berý úshin aq ter, kók terge kómilgeli tur. Birinshiliktiń birinshi bóligi bolyp sanalatyn alǵashqy eki aınalymnyń sońǵy týry kim­niń qaı baǵytty betke ustaı­ty­nyn anyqtady. Munda alǵashqy topqa engen 5 komanda qata­rynda kimder bar ekeni buǵan deıin belgili bolyp tursa, al­tynshy “baqytty bıletti” kimniń sýyratyny áli beımálim edi. Bul orynǵa bir-birinen eki upaıdaı ǵana aıyrymy bar “Atyraý” jáne Taldyqor­ǵan­nyń “Jetisý” komandalary úm­it­ti bolatyn. Sol eki upaı ar­tyqshylyǵyna ıe atyraýlyqtar osy kúni óz alańynda top basyna talasýshylar sapyna umtylyp kele jatqan “Aqtóbeni” qabyldady da, jeti ózendi ólkeniń órenderi Qara­ǵandyda “Shahterge” qarsy shyqty. Bir qyzyǵy, bul eki oıynda da qonaqtar birinshi bolyp esep ashty. Jaǵdaıdyń bulaısha bastalýy, álbette, munaıly atyraptyń aıaqdop sheberlerine unaı qoıǵan joq. Sondyqtan atyraýlyqtar “Aqtóbe” sapynan 32 mınótte Smaqovtyń av­tor­lyǵymen soǵylǵan golynan soń bir mınót óter-ótpeste tarazy basyn teńestirip úlgerdi. Sebebi, bul sátte Qaraǵandy stadıonyndaǵy esep te 1:1 bolyp úlgergen-tin. Onda jeti­sý­lyq Mýjıkovtyń 2-mınótte soq­qan golyna kenshiler 24-mınótte Djıdıchtiń belsendiligimen jaýap qaı­tarǵan. Aqyrynda altylyq aıasy­na enýge qushtar bolǵan bul eki ko­man­da da qarsylastar qaqpasyna soń­ǵy jeńis dobyn túsirip, esepti 2:1-ge jetkizip toqtady. Osy esep­terdiń ózi atyraýlyqtardyń aldyńǵy lekte qala beretinin birjola aıǵaqtap berdi. Týrdaǵy basqa oıyndar da asa tar­tysty ótti. Solardyń qataryna Ta­razdaǵy oıyndy jatqyzýǵa bola­dy. Onda jergilikti “Taraz” Qos­tanaıdyń “Tobylyn” qabyldady. Buǵan deıin týrnır kestesinde 44 upaımen jeke-dara top bastap kelgen qostanaılyqtar bul kezd­e­sýdiń bas quramyna Petýhov, Ba­qaev, Nurǵalıev, Iýrın, Irısmetov syndy beldi oıynshylaryn shyǵar­ǵa­n joq. Buǵan qaraǵanda, alań ıe­leriniń quramy naǵyz jaýyngerlik sıpatta derlikteı edi. Osynyń da áseri boldy ma, álde basqalaı se­be­bi bar ma, áıteýir matchtyń bi­rin­shi taımynda chempıonattyń kósh­bas­shysy “Tobyl” emes, “Taraz” sı­­­ıaq­ty bolyp kórindi. Kezdesýdiń osy kezeńinde alań ıeleri meıman­dar qaqpasyn 8 márte nysanaǵa alsa, sonyń 5-ýi qaqpa sheńberiniń aýqymyna týralaı jetti. Al q­o­naq­tar buǵan bir ǵana soqqymen jaýap qaıtara bildi. Obalyna ne kerek, tarazdyqtar lıder qaqpasyna gol soǵýǵa sonshalyqty qushtar boldy. Biraq, ol nıet júzege asa qoımady. Alań ıeleri sharshap qaldy ma, bolmasa qonaqtar sapyna tyńnan myq­ty oıynshylar qosylǵany yq­pal jasady ma, ekinshi taımda oı­yn­nyń sıpaty múldem ózgerip sala berdi. Endi meımandar alań ıele­riniń qaqpasyn jıi torýyl­daýǵa shyqty. Aqyrynda qos­ta­naı­lyq­tar kapıtany Ju­mas­qalıev Malyshevtiń aıaǵy as­ty­na ádemi pas shyǵaryp berip edi, ol múlt kete qoımady. Bul kez­de match­tyń bitýine 6 mı­nót­teı ǵana ýa­qyt qalǵan. Osy es­ep, alań ıeleriniń sońǵy ysh­qy­nysyna qaramastan, oıyn so­ńyna deıin ózgermedi. Sóı­tip, jalǵyz gol kezdesý taǵdy­ryn qonaqtardyń paıdasyna sheship berdi. Bul kúni qalǵan komandalar arasyndaǵy oıyndar mynadaı eseptermen aıaqtaldy: “Er­tis” (Pavlodar) – “Aqjaıyq” (Or­al) 1:0, “Oqjetpes” (Kókshe­taý) – “Ordabasy” (Shymkent) 3:2, “Qaırat” (Almaty) – “Lokomotıv” (Astana) 2:2. Mergender: Nurbol Jumas­qa­lıev (Tobyl) – 10, Ulyqbek Ba­qa­ev (Tobyl) – 10 (3), Gleb Malsev (Ertis) – 9, Georgıı Daskalov (Er­tis) – 9 (1), Igor Býgaev (Loko­mo­tıv) – 9(2). Chempıonattyń kelesi kezeńi 22 tamyz kúni bastalady. Bul kúni 1-6 oryndar úshin “Tobyl” – “Aty­raý”, “Ertis” –“Lokomotıv”, “Aq­tó­be” – “Shahter”, 7-12 oryndar úshin “Jetisý” – “Oqjetpes”, “Or­da­basy” – “Aqjaıyq”, “Qaı­rat” – “Taraz” komandalary oınaıdy. Qorytyndy týrnır kestesi Or.         Komandalar         O             U             T             J            Dop        Up 1              “Tobyl”               22            14            5              3              37-15      47 2              “Ertis”  22            12            7              3              30-16      43 3              “Aqtóbe”              22            11            4              7              32-22      37 4              “Shahter”              22            11            4              7              28-19      37 5              “Lokomotıv”      22            11            3              8              33-21      36 6              “Atyraý”             22            11            3              8              29-26      36 7              “Jetisý”              22            9              7              6              22-16      34 8              “Ordabasy”         22            8              6              8              20-20      30 9              “Qaırat”              22            4              8              10            11-22      20 10            “Taraz” 22            4              6              12            21-33      18 11            “Aqjaıyq”          22            3              5              14            19-43      14 12            “Oqjetpes”         22            3              4              15            16-45      13