Jarystar kúndeligi

Jeńil atletıka. Vetnam asta­nasy Hanoı qalasynda ótken jasóspirimder arasyndaǵy Azııa birinshiliginen Qazaqstannyń balǵyn sportshylary tamasha tabyspen oraldy. Bizdiń jetkinshekter chem­pıo­natta 8 medaldi tizbelese, sonyń 5-ýi altyn bolyp shyqty. Atap aıtqanda, 100 jáne 200 metrlerge júgirýde almatylyq Iýlııa Gavrı­lova aldyna eshkimdi salmasa, bul jetistikti 4x100 metrlik estafetada qyzdar toby (almatylyqtar Áıgerim Shynasbekova, Vıktorııa Zıabkına, Iýlııa Gavrılova, qaraǵandylyq Olga Blýdova), bıikke syryqpen sekirýde almatylyq Nıkıta Fılıp­pov, 3 000 metrge kedergiler arqyly júgirýde qostanaılyq Zarına Meń­taeva qaıtalady. Taǵy bir bıikke syryqpen sekirýshimiz Sergeı Grıgo­rev, kedergili 400 metrge júgirýde petropavldyq Svetlana Zagordneva – kúmis, 10 000 metrge sporttyq adym­men júrýde almatylyq Sh­pan Qojahmetova qola medaldardyń ıegerleri atandy. Voleıbol. Irannyń Ýrýmı qala­synda II Azııa kýbogy úshin jarys aıaqtaldy. Shırek fınalda Qytaıdan 1:3 esebimen utylǵan Qazaqstan voleıbolshylary 1/4 oryn úshin talasta Avstralııadan 0:3 esebimen tize búgip, 7-8 oryn úshin shaıqasta japondardy 3:1 etip jeńdi. Al jeńis toıyn týrnırde birde-bir jeńil­megen Iran komandasy toılady. Basketbol. Lıvan astanasy Beı­rýt qalasynda ótip jatqan Stan­ko­vıch kýbogy úshin jarysqa qatysqan Qazaqstan quramasy shırek fınalǵa shyqty. Týrnırdiń “A” tobynda 4-shi bolǵan bizdiń oıynshylar endi ek­inshi toptyń ekinshi kárzeńkesi atan­ǵan Lıvan quramasymen kúsh synasady. Qazaq basketbol ujymy buǵan deıingi oıyndaryn mynadaı eseptermen aıaqtady: Irak – 76:65, Taıvan - 64:80, Iran – 80:67, Japonııa – 57:100. Fýtbol. Tamyzdyń 17 jáne 18-i kúnderi Chempıondar lıgasynda kezek­ti úshinshi pleı-off raýn­dynyń bi­rinshi oıyny bolyp ótti. Bul kúnderi reseılik “Zenıt” fran­sýzdyń “Ose­rin” 1:0 esebimen utsa, ýkraı­nalyq “Dınamo” Gollandııa­nyń “Aıak­simen” 1:1 bolyp teń oı­na­dy. Tamyzdyń 17-sinde Eýropa lı­ga­synda da osyndaı pleı-offtyń al­ǵashqy eki oıyny oınaldy. Munda grek­tiń “Arısi” Avs­trııanyń “Aýs­trııa­syn” 1:0, túriktiń “Beshıktashy” fınniń HIK koman­dasyn 2:0 esep­terimen jeńdi. Al “Aq­tóbe” ko­man­dasy keshe túnde Gol­lan­dııanyń “Alkmaar” komandasymen qo­naqta birinshi oıynyn ótkizdi. “Egemen-aqparat”.