Ekijaqty kelisimge qol qoıyldy

Keshe Astana qalasynda elimiz Syrty ister mınıstrliginiń Jaýapty hatshysy Rápil Joshybaev pen IýNISEF-tiń Qazaqstandaǵy О́kili, BUU-nyń rezıdent-úılestirýshisi Hanaa Sınger “Qazaqstan Respýblıkasynyń Úkimeti men Birikken Ulttar Uıymy arasyndaǵy BUU pasporttary ıelerin vızalyq talaptardan bosatý týraly” kelisimge qol qoıdy. Vızalyq talaptardan bosatý jónindegi kelisim jasasý BUU-men ózara qarys-qatynasty damytý­da­ǵy kezekti qadam bolyp tabylady. Sol sebepti Qazaqstan Ulttar Uıymynyń adamzattyń ómirlik problemalaryn sheshýdegi jetekshi rólin túısine otyryp, BUU-men yntymaqtastyqqa úlken mán berip otyr. “Bul uıym – álemdegi eń bedeldi uıym. Sondyqtan, osyn­daı kelisimderge qol qoıý arqyly áriptestigimizdi odan ári nyǵaıtýǵa jol ashylady degen oıdamyz”, dedi Rápil Joshybaev. Al IýNISEF-tiń Qazaqstan­da­ǵy О́kili, BUU-nyń rezıdent-úı­lestirýshisi Hanaa Sınger óz keze­ginde bul kelisimge qol qoıý rásimi BUU-nyń Qazaqstandaǵy aıtýly oqıǵasy retinde este qalatyn­dy­ǵyn atap ótti. “Búginde Qazaq­stan­da BUU-nyń 12-ge tarta vedom­stvosy jumys isteıdi. Qazirgi tań­da olardyń sany ósip keledi. Ásirese, Almatyda. Bizdiń bul qa­la­da BUU-nyń óńirlik ortalyǵyn qursaq degen oıymyz bar. Qa­zaq­stan búginde BUU ókilderin vı­za­lyq talaptardan bosatý rejimin qa­byldaǵan 26 eldiń quramyna kir­di. Al ol elderdiń basym kópshiligi eýropalyq elder ekenin aıtqan jón. Bul óz kezeginde Qazaqstan ta­ra­pynan BUU-nyń dúnıe jú­zin­degi róline aıryqsha nazar aýda­ry­lyp otyrǵanyn kórsetedi. Men óz tarapymnan Qazaq eliniń búgingi tańda qol jetkizip otyrǵan jetis­tik­teri men júrgizip otyrǵan kósh­bas­shylyq saıasatyn joǵary baǵa­lar edim”, – dedi Hanaa Sınger. Láıla EDILQYZY.