Partııa pármenin arttyrý – ýaqyt talaby

Keshe Astanada “Nur Otan” HDP Parlamentarızm ınstıtýty partııanyń Halyqtyq tuǵyrnamasyn júzege asyrý barysy jóninde ǵylymı-praktıkalyq semınar ótkizdi. Instıtýt dırektory Bolat Baıqadamov moderatorlyq etken semınarda 2007 jyldan bergi tuǵyrnamany júzege asyrýdyń problemalyq tustaryn anyqtaý men onyń maqsattaryna qol jetkizý perspektıvalary qaraldy. Tuǵyrnama 2007 jyly 4 shilde­de qabyldanyp, saılaýda partııa­nyń jeńisin aıqyndap bergen baǵdarlamalyq qujat qana emes, elektoraldy kezeń aralyǵyndaǵy basty baǵdar da bolyp tabylady. Osy rette “Nur Otan” HDP Orta­lyq apparaty basshysynyń oryn­basary Rasýl Orazǵulov Tuǵyrnama jumys jelisin tapqandyǵyn erek­she atap ótti. Áıtse de sońǵy úsh jyldyń jumysyn qorytyndylaý qajet. Partııa lıderi tapsyrma­la­ryn oryndaýda tıimdilik jetis­peýde. Máselen, ne jasalsa da ony ındýstrııalyq-ınnovasııalyq joba degenge telinýde. Rasýl Qabdol­la­uly eldiń ishki jaǵdaıyn keshendi turde taldaý kerektigin tilge tıek ete otyryp, qalǵan eki jyl ishinde saılaýaldy mindettemelerdi tolyq oryndaý úshin júıeli jumys qajet­tigine toqtaldy. Ásirese, bıýdjet qarajatyna baqylaý jasaý, mem­le­kettik shyǵyndy qysqartý, bıznes klımatty jaqsartý, memleket pen jeke menshik áriptestigin damytý jáne taǵy basqa mindetterdi naqty oryndaý qajet. Halyqtyq tuǵyrnamanyń tıimdi júzege asyrylýyn Májilistegi “Nur Otan” HDP fraksııasy ja­nyndaǵy Áleýmettik keńestiń tór­aıymy Aıtkúl Samaqova jan-jaq­ty aıtyp berdi. Máselen, den­saý­lyq saqtaý salasyna baǵyttalǵan qarjy 1,5 esege ósken. Al 2012 jyly onyń kólemi taǵy eki esege deıin ulǵaıady dep kútilýde. Eli­mizde 200-den astam densaýlyq saqtaý mekemeleri salynsa, kepildi medısınalyq kómek 2007 jyly 1,4 esege artqany belgili. Al bilim salasyna bólingen qarjy 11 paıyzǵa ósip, 250 mektep salynǵan. Indýstrııalyq-ınnova­sııalyq baǵdarlama aıasynda 90 myń jumys ornyn ashý kózdelse, taǵy 100 myń adamdy oqytý jospar­lan­ǵan. Osy oraıda Aıtkúl Baıǵazy­qy­zy keıbir problemalarǵa da na­zar aýdarta ketti. Qazirgi tańda ózin-ózi jumyspen qamtyǵan adamdar qatary kóp, alaıda bolashaqta olar áleýmettik zeınetaqy ǵana ala ala­dy. Jumys isteıtin júkti áıelder sııaqty ózin-ózi jumyspen qamty­ǵan aıaǵy aýyr áıelderge de jalaqy tólenýi tıis. Qazaqstan Prezıdentiniń keńes­shisi Ermuhamet Ertisbaev óziniń “Saıası júıeniń turaqtylyǵy men teńgerimdiligin qamtamasyz etý” atty baıandamasynda eldi bas­qa­rý­dyń uzaq merzimdi perspektıva­lary­na erekshe den qoıdy. Opponent­te­rimiz bizdi KOKP-men salys­ty­rady, deı kelip, Ermuhamet Qabı­denuly qazirgi kezde elimizde saıası básekelestik orta qalyptasqanyn atap kórsetti. Biraq “Nur Otan” bolashaqta da jeńis bıiginen kóriný­di kózdeıdi. Bul rette partııanyń Halyqtyq tuǵyr­namasy qýatty kúshke aınalmaq. Budan keıin sóz alǵan Indýs­trııa jáne jańa tehnologııalar vıse-mınıstri Berik Qamalıev, Mádenıet mınıstrligi Qoǵamdyq-saıası jumysy departamenti dırek­torynyń orynbasary Vasılıı Porýbaımeh jáne Erekshe tapsyr­malar jónindegi elshi – EQYU departamentiniń dırektory Serjan Ábdikárimov óz salalary boıynsha atqarylǵan jumystar týraly áńgi­melep berdi. Parlament depýtattary men mem­lekettik organdar qyzmet­ker­leri, partııa Ortalyq apparaty men óńirlik fılıaldar jáne úkimettik emes uıym ókilderi qatysqan semı­nar talqylaý jáne pikir almasýmen aıaqtaldy. Nátıjesinde partııanyń Ortalyq apparatyna, memlekettik organdarǵa jáne óńirlik fılıal­dar­ǵa semınardyń usynymdary joldanatyn bolyp sheshildi. Asqar TURAPBAIULY.