Sarybaılyqtar mereıi

Diniń tursyn din aman, degen ata-baba ósıetine adaldyq tanyt­qan­dyqtan jer-jerde kók kúmbezdi aı­shyq­ty meshitter ashý jalǵasyn taý­yp keledi. Sarybaı bı aýylynda osyn­daı mereı jal­ǵa­syn taýyp, jańa meshittiń ashylý sal­tanaty ótti. Kezinde jyr súleıi Súıinbaı “Kósemim – Sarybaıym el syı­laǵan, Zamannyń dóńgelegin teń bu­raǵan” dep Jetisý jerin qoqan­dyq­tardan qorǵap, birlik pen ynty­maq­ty nusqaǵan batyr, ári bıge óz baǵasyn osylaı beripti. Son­dyqtanda ımandylyq otaýynyń ashylýyna jınalǵandar qatary kóp boldy. Kópshilik aldynda aýdan ákimi Mahabbat Bıgeldıev, jazýshy Naǵashybek Qapalbekov, aqsaqaldar alqasynyń tóraǵasy Bákijan Jarqynbaev sóılep, halqymyzdyń ımandylyqqa bet buryp, dini men dilin saqtaýdaǵy meshittiń alatyn mańyzy jaıly tarqata sóıledi. Kók kúmbezdi meshittiń qury­ly­syn óz qarjysyna saldyryp, aýyl­dastarynyń ıgiligine usynǵan marqum Arol Kúrishbekovtiń zaıy­by Raıgúl men uly Jandosqa jı­nal­ǵandar alǵysyn jetkizdi. Aýdan­dyq meshittiń bas ımamy  Áset Atashev  babalar árýaǵyna quran baǵyshtady. Alla úıiniń ashylý saltana­tyn­da “Qulansaz” halyqtyq folklor­lyq-etnografııalyq án-bı an­sambli “Qarasaı” kúıin, Qazaqstan Respýb­lıkasynyń eńbek sińirgen ártisi Ul­jan Aınaqulova, taǵy basqa óner­pazdar án men jyrdan shashý shashty. Kúmisjan BAIJAN. Almaty oblysy.