Zııatkerlik menshik zańmen qorǵalady

17 qyrkúıekte Ádilet mınıstrliginde Zııatkerlik menshik quqyqtaryn qorǵaý jónindegi komıssııanyń birinshi otyrysy ótti. Komıssııa Úkimettiń 2010 jyl­ǵy 9 naýryzdaǵy №181 qaýlysy­men qurylǵan. Komıssııa qyz­metiniń maqsaty Qazaqstan Respýblıka­syn­daǵy zııatkerlik menshik quqyq­ta­ryn balamaly qorǵaý máselelerin retteý jóninde naqty is-qımyl­dardy iske asyrý boıynsha usy­nystar ázirleý bolyp tabylady. Komıssııanyń birinshi otyry­synda komıssııanyń quramy men erejesi, zııatkerlik menshik sala­syn­daǵy quqyq buzýshylyqty anyq­taý jáne jolyn kesý máseleleri boıynsha ádilet organdary men qu­qyq qorǵaý organdarynyń ózara is-áreketi, zııatkerlik menshik sala­syndaǵy zańnamany saqtaý nysa­ny­na tekserýler tártibi, ınternet jelisinde avtorlyq jáne sabaqtas qu­qyqtardy qorǵaý máseleleri qa­raldy. Ádilet mınıstrliginiń, Ekono­mı­­kalyq qylmysqa jáne sybaılas jemqorlyqqa qarsy kúres agent­tiginiń, Ishki ister mınıstrliginiń ókilderi óz baıandamalarynda zııat­kerlik menshik salasyndaǵy quqyq buzýshylyqty anyqtaý jáne jolyn kesý máseleleri boıynsha ádilet or­gandary men quqyq qorǵaý organ­darynyń ózara is-áreketi boıynsha jumystar jóninde baıandady. Aǵymdaǵy jylǵy birinshi jar­ty­jyldyqta ádilet organdary respýblıka boıynsha zııatkerlik menshik nysandaryn paıdalanatyn sýbektilerge 315 tekseris júrgizdi, onyń ishinde 301-i avtorlyq quqyq týraly zańnamany saqtaýǵa qatysty tekserildi. Tekseris nátıjesi boıynsha 170 ákimshilik is qozǵaldy. Zańsyz aınalymnan jalpy sommasy 22 mln.-nan astam teńgeni quraıtyn kontrafaktili ónimniń 63 myńnan asa danasy tárkilendi. Aıyppul sommasy 2,5 mln.-nan astam teńgeni qurady. Ákimshilik jaýapkershilikke 127 tulǵa tartyldy. Komıssııa jumysynyń bary­syn­da Qazaqstan Respýblıkasynda zııatkerlik menshik quqyqtaryn qorǵaý máseleleri talqylanyp, ony sheshý joldary qarastyryldy. “Egemen-aqparat”.