Zań • 01 Qańtar, 2026
Jańa zań bankterge jaıly bola ma?
2026 jyly baǵaly qaǵazdar naryǵyn úlken reforma kútip tur. Ońdy-soldy nesıe bere beretin bankterge jańa jyldan bastap shekteýler de engizilýi múmkin. Osynyń aldynda Májilis jibergen «Bankter jáne bank qyzmeti týraly» zańǵa senatorlar birqatar túzetý usyndy. Alaıda bul ózgerister naqtylaý sıpatynda ǵana boldy. Sondyqtan zań jobasynyń jalpy tujyrymdamasy ózgergen joq.
Salyq • 01 Qańtar, 2026
Búginnen bastap qoldanysqa enetin Salyq kodeksindegi ózgerister barlyq salany derlik qamtıdy. Reforma eldegi salyq júıesin jeńildetip, bıznes salasyna da qolaıly jaǵdaı týǵyzýǵa tıis. Kodekstiń eń mańyzdy tustaryn salyq mamany Baljan Baqytqalıqyzy qarapaıym tilmen túsindirip berdi.
Saıasat • 01 Qańtar, 2026
Syndarly saıasat: Bıyl memleketimizdi qandaı ózgeris kútedi?
Álemdegi geosaıası ahýal kún sanap ózgerip jatyr. Ár jerde tutanǵan soǵys órti men kıkiljińder, sanksııalar men ekonomıkalyq baılanystardyń úzilýi túrli syn-qaterge jedel den qoıyp, keleshek baǵyt-baǵdardy der kezinde aıqyndap otyrýdy talap etedi. Bul synda jan-jaǵyndaǵy kórshilerimen ári álemdik alyp derjavalarmen teń dárejede qatynas ornatqan Qazaq eliniń upaıy túgel. Degenmen bul qol qýsyryp otyrý degendi bildirmeıdi. Osy oraıda bıyl elimizdiń ishki-syrtqy saıasaty qalaı ózgerýi múmkin? Zaman aldymyzdan qandaı tosynsyı usynady? Biz saıası sarapshylardy sózge tartyp, jaqyn bolashaq jaıyn jobalap kórgen edik.
Saıasat • 01 Qańtar, 2026
Elimiz «EAEO+» seriktestigin keńeıtpek
Osy jyly elimiz Eýrazııalyq ekonomıkalyq odaqqa tóraǵalyq etedi. Qazir odaq elderi arasynda másele kóp. Qazaqstan tizgindi alǵan soń, aldymen shekaradaǵy júk kólikteriniń uzyn-sonar kezegin joıýy qajet. Sondaı-aq ortaq ıgi isterge negizdelgen bastamalardy alǵa tartýy kerek. Odaq elderi úshin qandaı salalar basym bolady? Jalpy, elimizdiń tóraǵalyǵynan álem ne kútedi?
Infografıka • 01 Qańtar, 2026
Sıfrlandyrýdaǵy tyń bastamalar
Memleket basshysy Qasym-Jomart Toqaev ótken jyly jasandy ıntellekt salasyna erekshe mán berdi. 2025 jyly qyrkúıek aıyndaǵy Joldaýynda naqty tapsyrmalar berip, JI-diń mańyzyn atap ótti. «Úkimet ekonomıkanyń barlyq salasyn jańǵyrtý úshin jappaı jasandy ıntellektini engizý qajet. Qazaqstandy básekege qabiletti el retinde damytamyz desek, jumysymyzdy jańasha tásilmen júrgizýimiz kerek», degen edi Prezıdent. Bul saladaǵy ótken jyly atqarylǵan isterdi gazettiń aldyńǵy sanynda jazǵan bolatynbyz. Bıyl da jasandy ıntellekt jáne sıfrlandyrý salasy qarqyndy damýyn toqtatpaq emes. 3 jyldyń ishinde tolyq sıfrly memleketke aınalý úshin alda IT eksportyn arttyrý, JI-di barlyq salaǵa engizý, barshaǵa qoljetimdi ekojúıe qalyptastyrý mindeti tur. Sondaı-aq JI-diń ıgiligin kórsetetin aýqymdy jobalar naryqqa shyǵarylmaq.
