Qandaı salmaq dárejesinde bolsa da, Kúnshyǵys elinde sýmo balýandaryna kólik aıdaýǵa tyıym salynǵan. Eger sportshy bul talapqa baǵynbasa, qatań jazalanady. Sondyqtan da sýmoshylar kóbine jeke júrgizýshilerimen júredi nemese arnaıy shaǵyn avtobýs jaldaıdy.
Jyl adamy
«Time» jýrnalynyń nusqasy boıynsha «Jyl adamy» ataǵy AQSh-tyń jańadan saılanǵan prezıdenti Donald Trampqa buıyrdy. Short-paraqqa odan basqa Ilon Mask, Keıt Mıddlton, Iýlııa Navalnaıa kirgen edi.
«Time redaktorlary 97 jyl boıy «Jyl adamyn» tańdap keledi. Bul ataqqa sońǵy 12 aıda álemge yqpal ete bilgen, taqyrybymen kóptiń nazaryn aýdara bilgen jandar ǵana laıyq. 2024 jyly tańdaý esh qıynǵa túsken joq», dedi jýrnaldyń bas redaktory Sem Djeıkobs.
Eń úlken áýejaı
Qytaıdyń Dalıan qalasynda álemdegi eń iri halyqaralyq áýejaıdyń qurylysy bastaldy.
Tańǵalarlyǵy, áýe aılaǵy jasandy aralda salynbaq jáne jylyna 80 mıllıonnan asa jolaýshyny qabyldaıdy. Ǵımarat 2035 jyly qoldanysqa beriledi.
