Foto: ashyq derekkóz
Kitap – adamzat órkenıetiniń eń asyl murasy. Ol urpaqtan-urpaqqa bilim men tájirıbeni jetkizip, sanany qalyptastyrady. Qazirgi sıfrlyq dáýirde aqparattyń qoljetimdiligi artqanymen, kitaptyń mańyzy kemigen joq. Kerisinshe, tereń oı men sapaly bilim izdegen jan úshin kitap – taptyrmas qural.
Ulttyq kitap kúni aıasynda elimizdiń túkpir-túkpirinde kitap kórmeleri, avtorlarmen kezdesýler, ádebı keshter men oqyrmandarǵa arnalǵan baıqaýlar sııaqty túrli mádenı is-sharalar uıymdastyrylady. Osynyń barlyǵy halyqtyń kitapqa degen qyzyǵýshylyǵyn arttyrýǵa baǵyttalǵan.
Aıda Balaeva: Kitap oqýǵa qyzyǵýshylyq turaqty túrde artyp keledi
Mamandardyń aıtýynsha, kitap oqý adamnyń oı-órisin keńeıtip qana qoımaı, til baılyǵyn arttyryp, synı oılaý qabiletin damytady. Ásirese, jas urpaqty kitap oqýǵa baýlý bolashaqtyń sapaly bilimdi ári básekege qabiletti bolýyna negiz qalaıdy.
Ulttyq kitap kúni – tek mereke ǵana emes, ár adamǵa oı salatyn erekshe múmkindik. Bul kún árbirimizdi kitapqa jaqyn bolýǵa, rýhanı damýǵa taǵy bir qadam jasaýǵa úndeıdi.
