Memleket basshysy Nursultan Nazarbaev Bas prokýror Jaqyp Asanovty qabyldady, dep habarlady Prezıdenttiń baspasóz qyzmeti.
Kezdesý barysynda J.Asanov Memleket basshysyna prokýratýra organdarynyń qazirgi jáne perspektıvaly josparlary týraly, sondaı-aq, eldegi quqyq tártibi men zańdylyq ahýaly týraly baıandady.
Qazaqstan Prezıdenti sońǵy jyldary qabyldanǵan zańdar qylmysqa qatysty saıasatty izgilendirýge, ekonomıkalyq qylmystar úshin balama jazalaý sharalaryn engizýge baǵyttalǵanyn atap ótti.
Nursultan Nazarbaev prokýratýra organdaryna qoǵam men memleket ómiriniń barlyq salasynda, ásirese, halyq úshin áleýmettik mańyzdy máselelerdi sheshý aıasynda azamattardyń quqyqtaryn qamtamasyz etý turǵysynan mańyzdy mindet júktelgenin de aıtty.
Memleket basshysy kezdesý qorytyndysy boıynsha birqatar naqty tapsyrma berdi.
Sýretterdi túsirgender
S.BONDARENKO, B.OTARBAEV